Dál osy kúnderi Jýsan Bank jáne «Mobaıl Telekom-Servıs» Jýsan servısteri men qyzmetterin paıdalanýdy burynǵydan da tıimdirek etetin Jýsan Mobile mobıldi baılanysyn qosyp otyr, dep habarlaıdy Egemen.kz.
«Tele2/ALTEL jelisindegi birinshi vırtýaldy operatordy iske qosý QR mobıldi naryǵyn damytýdaǵy mańyzdy qadam bolmaq, – dep habarlady «Mobaıl Telekom-Servıs» JShS bas dırektory Roman Volodın. – MVNO konsepsııasy – bul, eń aldymen, qandaı da bir aýdıtorııanyń muqtajdylyqtary men rýhyna jaýap beretin baılanys pen seriktes qyzmetteriniń ekojúıesin qurý. Jýsan Mobile qosa otyryp, biz ózimiz úshin jańa sanalatyn segmentke aıaq bastyq jáne MVNO naryǵynda sheshimderdi kastomızasııalaý deńgeıi joǵary jetekshi oıynshy bolýdy josparlap otyrmyz. Sonymen qatar, Tele2/ALTEL operatory keń qamtylýdy jáne qyzmetterdiń joǵary sapasyn, eń aldymen, búkil Qazaqstan boıynsha 4G segmentinde qamtamasyz etetinin atap ótken jón, bul jańa MVNO-seriktestiń servıster jumysynyń senimdiligine kepildik berýge múmkindik beredi».
Jýsan Mobile vırtýaldy mobıldi baılanysy (MVNO) Tele2/ALTEL jelisiniń negizinde iske qosylyp jatyr jáne búkil Qazaqstan boıynsha operatordyń qamtý aýmaǵyndaǵy abonentterge qoljetimdi bolady. Jobanyń tehnıkalyq ıntegratory – «KazTransCom» AQ.
«Jýsan Mobile vırtýaldy operatoryn iske qosý bizdiń Jýsan ekojúıemizdi damytýda alǵa jasaǵan úlken qadamymyz boldy jáne ol bizdiń klıentterimiz úshin jańa tıimdilikter usynady, – deıdi Jýsan Bank basqarma tóraǵasy Aıbek Qaıyp. – Banktiń belsendi klıentteri tegin mobıldi baılanys qyzmetterin jáne ekojúıe ishinde – mobıldi qosymshada, ınternet-bankıngte jáne Jmart marketpleısinde qoldanýǵa bolatyn qosymsha bonýstar ala alady».
Jýsan Mobile ereksheligi Jýsan Bank servısterimen tyǵyz ıntergrasııada – Jýsan biryńǵaı qosymshasynda klıentter qarjy qyzmetterin, mobıldi baılanysty basqarý, saqtandyrýdy resimdeý, bırjada aksııalar satyp alý, Jmart marketpleısinde taýarlar men qyzmetter satyp alý múmkindigine ıe bolady.
«Ekojúıeler qurý jáne olardy damytý klıentterdiń beıildiligin qoldaý jáne klıenttik tájirıbeni ári qaraı jaqsartý maqsatymen bıznesti damytýdaǵy strategııalyq mańyzdy sheshim boldy. Bizder úshin bul MVNO iske qosý jobasyna qatysýdyń alǵashqy jáne tabysty tájirıbesi. Pandemııa men qashyqtyqtan jumys jasaý kestesine qaramastan, úsh uıymnyń jobalyq komandasy az merzim ishinde úlken jumys atqardy jáne óz mindetin sátti túrde oryndap shyqty», – dep atap ótti «KazTransCom» AQ basqarma tóraǵasy Sergeı Nazarenko.