Erkin kúresten Almatydaǵy «Dostyq» sport kesheninde ótip jatqan Qazaqstan chempıonatynda 97 kılo salmaq dárejesiniń jeńimpazdary men júldegerleri anyqtaldy, dep habarlaıdy Egemen.kz.
Bul salmaqta Álisher Erǵalıǵa teń keler eshkim tabylmady. Jasóspirimder men jastar arasyndaǵy álem birinshilikterinde júldegerler qatarynan kóringen Jambyl oblysynyń ókili byltyr eresekterdiń Azııa chempıonatynda kúmis medal alyp, óz jankúıerlerin bir qýantqan edi. Ile-shala Sıolkovskııdiń memorıalynda bas júldeni qanjyǵasyna baılady. Kúzde Nur-Sultanda uıymdastyrylǵan álem chempıonatynda besinshi orynǵa taban tiredi. Mine, endi Álisher Qazaqstan chempıonatynda qarsylas shaq keltirmedi. 19 jastaǵy balýan úshin bul tamasha nátıje ekeni sózsiz.
Bul jarysta kúmis medaldi qaraǵandylyq Serik Baqythanov ıelense, qyzylordalyq Bekzat Táji men taldyqorǵandyq Abylaı Sovet qola medaldardy moıyndaryna ildi.