Reseı men Argentınadan ákelingen qus eti ónimderiniń syrtqy qaptamalarynan koronavırýs ınfeksııasy anyqtaldy, dep habarlaıdy Egemen.kz.
Qytaıdyń Dýngýan qalasynda jergilikti Aýrýlardy baqylaý jáne aldyn-alý ortalyǵynyń mamandary Reseı men Argentınadan ákelingen muzdatylǵan tamaq ónimderiniń syrtqy qaptamalarynan koronavırýstyq ınfeksııany anyqtaǵan.
Importtalǵan ónimderdi teksere kele, atap aıtqanda Reseıden ákelingen taýyq aıaqtary men Argentınada óndirilgen taýyq qanattarynyń syrtqy qaptamalarynan mamandar koronavırýstyq ınfeksııany tapqan.
COVID-19 anyqtalǵannan keıin jergilikti bılik ókilderi ónimderdi qaıta mórlep, qoımalardy dezınfeksııalap jáne ónimderdiń qaptamalarmen tikeleı baılanysta bolǵan adamdardy tekserýden ótkizgen. Barlyq synaqtar teris nátıje kórsetkeni málim boldy.