On aı nátıjesi oıdaǵydaı («Samuryq-Energo» 2020 jyldyń on aıyn qorytyndylady jáne 2021 jylǵa arnalǵan elektr qýatyn satýǵa qatysty)

BEJ-iniń Soltústik jáne Ońtústik aımaqtaryna tıesili saýda-sattyqtyń jıyntyq kó­lemi 5178,91 MVt-ty qurady. Elektr qýatynyń daıyndyǵyn qamtamasyz etý boıynsha usy­nylǵan qyzmettiń jıyntyq kólemi – 5875 MVt.

Aldyn ala jasalǵan esepteýler boıynsha, «Samuryq-Energo» AQ-tyń elektr stansalary saýda-sattyqta 2768 MVt elektr qýatyn satqan, sonyń ishinde: «Almaty elektr stansalary» AQ – 490 MVt, «Ekibastuz GRES-2 stansasy» AQ – 625 MVt, «B.Nurjanov atyndaǵy Ekibastuz GRES-1» JShS – 1653 MVt.

Elektr qýatyn satý nátı­jeleri «Samuryq-Energo» AQ-tyń energetıkalyq jabdy­ǵynyń 2021 jyly toqtaýsyz jumys isteýin qamtamasyz etýge múmkindik beredi.

Tutas alǵanda, 2020 jylǵy qańtar-qazan aralyǵynda Qazaq­stannyń elektr stansalary 87 186,3 mln kVt saǵ. elektr ener­gııa­syn óndirgen, bul 2019 jylǵy osy kezeńmen salys­tyrǵanda 1,5%-ǵa kóp. Elektr ener­gııasyn óndirýdegi ósim Qa­zaq­­stannyń Biryńǵaı energe­tı­kalyq júıesiniń barlyq aıma­ǵynda baıqaldy.

Qazaqstannyń elektr energııasy men kómiriniń naryǵyna 2020 jylǵy qańtar-qazan ara­lyǵynda «Samuryq-Energo» AQ júrgizgen taldaýǵa saı, baı­­­lanysqan elektr energııasyn óndirý 42,8 mlrd kVtsaǵ. qurady, bul 2019 jylǵy osy ke­zeńmen birdeı. Sonymen birge 2019 jylǵy qańtar-qazan aıla­rymen salystyrǵanda, baıla­nysqan elektr energııasyn ón­dirý úlesi burynǵy deńgeıde qa­lyp, Qazaqstandaǵy jalpy elektr ener­gııasyn óndirý kóleminiń 49,9%-in qurady.

Bul oraıda, «Samuryq-Energo» AQ energııa óndirýshi uıym­darynyń 2020 jylǵy qań­tar-qazan aılarynda óndir­gen elektr energııasynyń kólemi 24 083,1 mln kVt saǵatty qura­dy nemese 2019 jylǵy osy kezeń­niń kórsetkishterimen salys­tyr­ǵanda ósim – 0,3%.

CJRA Ulttyq statıstıka bıýrosynyń aqparaty boıynsha, Qazaqstanda 2020 jylǵy qańtar-qazan aılarynda 87,8 mln tonna tas kómir óndirildi, bul 2019 jylǵy osy kezeńge qa­ra­ǵanda 2%-ǵa az (89,1 mln tonna).

«Samuryq-Energo» AQ jáne reseılik «RýsAl» BK teń negizde basqaratyn kómir óndirýshi kompanııa – «Bogatyr Kómir» JShS osy kezeń ishinde 35,1 mln tonna kómir óndirdi, bul 2019 jylǵy osy kezeńge qaraǵanda 3%-ǵa az. Jyl basynan bergi 10 aıdyń ishinde 35,1 mln tonna kómir sa­tyldy, sonyń ishinde: Qazaqstannyń ishki na­ryǵyna 26,7 mln tonna sa­tyldy jáne 8,4 mln tonna eks­portqa (RF) shyǵaryldy.

«Samuryq-Energo» AQ-tyń JEK obektileri (KES, JES jáne shaǵyn SES-ter) 2020 jyl­ǵy qańtar-qazan aılarynda 278,5 mln kVts elektr energııasyn nemese JEK obektileri óndirgen elektr energııasynyń jalpy kóleminiń 10,3 paıyzyn óndirdi, bul 2019 jylǵy osy kezeńmen salystyrǵanda 5,3 paıyzǵa tómen.

Kompanııanyń 2020 jylǵy qańtar-qazan aılarynda «taza» elektr energııasyn óndirýdegi úlesi (KES, JES, iri jáne sha­ǵyn SES-ter) 2019 jylǵy osy kezeńge qaraǵanda (2 514,8 mln kVts) – 8,7 %-ǵa tómendedi (2 296,6 mln kVtsaǵ).

«Samuryq-Energo» AQ – Qazaqstandaǵy asa iri elek­tr energetıkalyq holdıng, ak­sııalarynyń 100%-y «Samuryq-Qazyna» UÁQ» AQ-ǵa tıe­sili. 2007 jyly qurylǵan. Ju­my­synyń negizgi baǵyttary: elektr jáne jylý energııasyn óndirý; elektr energııasyn jet­kizý, bólip-taratý jáne satý; energetıkalyq kómir ón­dirý. Holdıngtiń qu­ramyna ener­gııa jáne kómir óndirý kásip­oryndary, sonyń ishinde: «Ekibastuz GRES-1» JShS, «Ekibastuz GRES-2 stansasy» AQ, «Bogatyr Kómir» JShS, «Almaty elektr stansa­lary» AQ, «O.D.Qantaev atyndaǵy Moınaq sý elektrstansasy» AQ, «Shardara SES» AQ jáne t.b. kiredi.