23-26 qarasha aralyǵynda IX Azamattyq forým aıasynda mınıstrlik basshylarynyń úkimettik emes uıymdar ókilderimen 12 salalyq onlaın-kezdesý ótkizý josparlanýda. Bul týraly Aqparat jáne qoǵamdyq damý mınıstrligi baspasóz qyzmeti habarlady.
Qoǵamdyq uıymdardyń basshylarymen Densaýlyq saqtaý mınıstri A. Soı, Eńbek jáne halyqty áleýmettik qorǵaý mınıstri B. Nurymbetov, Sıfrlyq damý, ınnovasııalar jáne aeroǵarysh ónerkásibi mınıstri B. Mýsın, Saýda jáne ıntegrasııa mınıstri B. Sultanov, Ádilet mınıstri M. Beketaev, Aýyl sharýashylyǵy mınıstri S. Omarov, Ekologııa, geologııa jáne tabıǵı resýrstar mınıstri M. Myrzaǵalıev, Tótenshe jaǵdaılar mınıstri Iý. Ilın, Memlekettik qyzmet isteri agenttiginiń tóraǵasy A. Jaıylǵanova, Ishki ister mınıstriniń orynbasary A. Zapparov, Qarjy birinshi vıse-mınıstri B. Sholpanqulov, Sybaılas jemqorlyqqa qarsy is-qımyl agenttigi tóraǵasynyń birinshi orynbasary O.Bektenov kezdesedi.
Uıymdastyrýshylardyń aıtýynsha, kezdesýlerdi ótkizýdiń maqsaty ortalyq memlekettik organdar basshylarynyń úkimettik emes sektor ókilderimen ashyq dıalogy bolyp tabylady.
«Forým aıasynda ÚEU-men kezdesýler ótkizý memlekettik organdar qyzmetiniń transparenttiligin jáne memleket iske asyratyn baǵdarlamalar men bastamalar týraly jurtshylyqtyń habardar bolýyn arttyrýǵa yqpal etedi. ÚEU - men ózara is-qımyl memlekettik organdarǵa jedel áreket etýge jáne halyqtyń ózekti máselelerin sheshýge múmkindik beredi», - dep habarlady QR AQDM Azamattyq qoǵam isteri komıtetiniń tóraǵasy Madııar Qojahmetov.
Kezdesýler barysynda memleket pen azamattyq qoǵamnyń Densaýlyq saqtaý, qorshaǵan ortany qorǵaý, bas bostandyǵynan aıyrý oryndarynan bosatylǵan jáne probasııa qyzmetinde esepte turǵan adamdarǵa áleýmettik-quqyqtyq kómek kórsetý salasyndaǵy ózara is-qımyly, sybaılas jemqorlyqqa qarsy is-qımyl jónindegi tıisti usynymdar men birlesken is-qımyldar josparlaryn ázirleý, Áleýmettik qamsyzdandyrý kodeksin ázirleý jónindegi tásilderdi qaraý jáne t.b. máselelerdi talqylaý josparlanýda.
Mınıstrlermen kezdesý úshin respýblıkalyq jáne óńirlik ÚEU, BAQ, saraptamalyq qoǵamdastyqtardyń, «Adaldyq alańy» jobalyq ofısteriniń ókilderi, arnaıy monıtorıngtik toptar shaqyrylady.
Kezdesýler Facebook https://www.facebook.com/ngogovkz, Youtube: azamattyqforum, Instagram: https://instagram.com/azamattyqqogam.komitet áleýmettik jelilerinde onlaın rejıminde kórsetiletin bolady.
Forým baǵdarlamasy jáne qatysýshylardy tirkeý www.azamattyqforum.kz saıtynda qol jetimdi.