Sybaılas jemqorlyqqa qarsy is-qımyl agenttiginiń bastamasy boıynsha Agenttik pen Aýyl sharýashylyǵy mınıstrligi basshylyǵynyń kezdesýi ótti. Onda aýyl sharýashylyǵy salasyndaǵy sybaılas jemqorlyqqa qarsy is-qımyl máseleleri talqylandy.
Is-sharaǵa vedomstvolardyń basshylyq quramy, aýmaqtyq bólimshelerdiń, vedomstvolyq baǵynysty uıymdardyń basshylary, oblys ákimderiniń orynbasarlary men aýyl sharýashylyǵy basqarmalarynyń basshylary, sondaı-aq Sybaılas jemqorlyqqa qarsy qyzmet janyndaǵy qoǵamdyq konsýltatıvtik-keńesshi organdardyń ókilderi qatysty (BKB arqyly).
Keńes barysynda veterınarııalyq baqylaý jáne qadaǵalaý, agroónerkásiptik keshenindegi (budan ári – AО́K) memlekettik baqylaý komıtetteriniń qyzmetinde buryn júrgizilgen jemqorlyq táýekelderine syrtqy taldaýdyń, sondaı-aq qylmystyq-tergeý tájirıbesiniń jáne sybaılas jemqorlyqqa qarsy monıtorıngterdiń nátıjeleri boıynsha basqa da máseleler talqylandy.
Agenttik tóraǵasynyń birinshi orynbasary O.Bektenov óz sózinde Mınıstrlik basshylyǵyna birinshi kezekte basty nazardy qajet etetin «negizgi» máselelerdi atap ótti.
Bul geoportaldardy údemeli engizý, vedomstvolyq aqparattyq júıelerdi tolyqqandy ıntegrasııalaý, «Qoldau.kz» sıfrlyq tuǵyrnamany jetildirý, sondaı-aq aýyl sharýashylyǵy salasyndaǵy memlekettik qyzmetterdi tolyq avtomattandyrý.
Arnaıy monıtorıngtik toptyń jetekshisi A.Soloveva aýyl sharýashylyǵy salasynyń ashyqtyǵy men aıqyndylyǵyn arttyrý maqsatynda jurtshylyqpen jumysty kúsheıtýdiń mańyzdylyǵyn atap ótti. Osy turǵyda «Aýyl sharýashylyǵy mınıstrligi – Adaldyq alańy» jobasyn iske asyrýdy jandandyrýǵa shaqyrdy.
О́z kezeginde, Mınıstrliktiń jaýapty hatshysy M.Orazaev keńeske qatysýshylardy AО́K salasyndaǵy memlekettik qyzmetterdi avtomattandyrý jáne ońtaılandyrý boıynsha, onyń ishinde usynylatyn qujattardyń merzimderi men tizbesin qysqartý boıynsha qabyldanyp jatqan sharalar, AО́K salasyndaǵy sýbsıdııalaý qaǵıdalaryna jáne jer qatynastaryn sıfrlandyrý salasynda qabyldanyp jatqan NQA ózgerister, «Adaldyq alańy» jobasy aıasynda aýmaqtyq bólimshelerdiń jumysy týraly habardar etti.
Búgingi kúni aýmaqtyq bólimsheler basshylarynyń qyzmetin baǵalaý jáne olardy rotasııalaýdy turaqty negizde júrgizý, baqylaý-qadaǵalaý qyzmeti salasynda ákimshilik is júrgizýdi elektrondyq formatta qamtamasyz etetin aqparattyq júıelerdi engizý jáne QR qoldanystaǵy zańnamasynda qabyldanǵan jańa talaptar boıynsha memlekettik qyzmetshilermen túsindirý jumysyn kúsheıtý arqyly olardyń qyzmetin túbegeıli jaqsartý josparlanýda.