Memleket basshysy Qasym-Jomart Toqaev Qaraǵandy oblysyna jumys saparymen keldi, dep habarlaıdy Egemen.kz Prezıdenttiń baspasóz hatshysy Berik Ýálıge silteme jasap.
«Prezıdent sapar barysynda qurylysy bıyl aıaqtalǵan bilim jáne sport ortalyqtarynyń jumysymen, pandemııa kezindegi óńirde bilim berý prosessin uıymdastyrý isimen tanysady. Memleket basshysy birqatar ındýstrıaldy óndiris oryndaryn aralap kórip, aımaqta júzege asyrylyp jatqan iri ınvestısııalyq jobalarmen jáne «Saryarqa» arnaıy ekonomıkalyq aımaǵynyń damý barysymen tanysady dep josparlanǵan.
Sonymen qatar «ArselorMıttal Temirtaý» metallýrgııalyq kombınatyna barady», dep jazdy Berik Ýálı Facebook-tegi paraqshasynda.