Nur-Sultan qalasynyń ákimi qala turǵyndaryn onlaın qabyldady. Kóterilgen máseleler josparǵa alyndy. Bul týraly Altaı Kólginov óziniń "Instagram" paraqshasynda jazdy, dep habarlaıdy elorda ákimdiginiń resmı saıty.
"Qala turǵyndaryn onlaın qabyldadym. Kóterilgen máseleler josparǵa alyndy. Máselelerdiń bir bóligi turǵyn úıge, áleýmettik baǵyttarǵa, kásipkerlikke jáne t.b. qatysty.
Mysaly, jaqynda turǵyn úı salasynda qyzmet kórsetý boıynsha biryńǵaı ortalyq ashyldy (Respýblıka dańǵyly, 32). Onda turǵyn úı máseleleri boıynsha keńes alýǵa bolady. Kezekke turý, kezek nómirin, turǵyn úı baǵdarlamalaryna qatysý sharttaryn tekserý, turǵyn úı sertıfıkatyn alý, kredıttik/jalǵa beriletin páterler máseleleri jáne t.b. boıynsha keńes beriledi.
Áleýmettik máseleler boıynsha bir jyldan astam "Januıa" otbasy ınstıtýtyn qoldaý ortalyǵy jumys isteıdi (Beıbitshilik dańǵyly, 14). Ortalyqta mamandar jumysqa ornalasý, medısına, bilim berý máseleleri boıynsha keńes beredi, sondaı-aq zańgerlik jáne psıhologııalyq kómek kórsetedi.
"IQala" qalalyq qyzmet kórsetý ortalyǵynda (Qoshqarbaev dańǵyly, 29) bıznes úshin keńes alýǵa jáne turǵyn úı-kommýnaldyq sektor uıymdarynyń qyzmetterin "bir tereze" qaǵıdaty boıynsha, sondaı-aq onlaın rejıminde alýǵa bolady", - dep jazdy Altaı Kólginov.