2020 jylǵy 21 qarashada saǵat 12.25-te Nur-Sultan qalasy Tótenshe jaǵdaılar departamenti kezekshi-dıspetcherlik qyzmetiniń pýltine Shubar shaǵyn aýdanyndaǵy «Halal brothers» dámhanada gaz ballon jarylǵany, saldarynan órt shyqqany týraly habarlama túsken bolatyn.
О́rt sóndirýshiler oqıǵa ornyna saǵat 12.32-de kelgen boıda jarylys saldarynan eki qabatty kottedjge japsarlas salynǵan qurylys pen qazandyqtyń ishinara qabyrǵalary jáne shatyry qulaǵany anyqtaldy. Sonymen qatar 20 sharshy metr kólemde japsarlas salynǵan qurylys pen qazandyqtyń shatyry janǵan. Qıraý 100 sharshy metr kóleminde oryn alǵan (qurylystyń jalpy kólemi 600 sharshy metr). Jarylys saldarynan as úıdiń shatyry qulaǵan.
Elordalyq qutqarýshylar oqıǵa ornynan 35 gaz ballondy shyǵardy. Úıindiniń arasynan 1998 jylǵy qyzdy qutqardy, ol jabyq mı zaqymyn alǵan. О́kinishke qaraı, oqıǵa ornynda dámhanada ydys jýýshy bolyp qyzmet atqaratyn 1968 jyly týǵan áıel qaza tapty.
Jedel medısınalyq kómek brıgadasy 34 adamdy emhanaǵa jetkizdi. Onyń ishinde 11-i dáriger qaraǵannan keıin úılerine jiberildi, 23-i aýrýhanaǵa jatqyzyldy. Zardap shekken adamdardyń barlyǵy dámhana jumysshylary. Sondaı-aq jarylys saldarynan 3 avtokólikke zııan keldi.
Kólemi 20 sharshy metr órt saǵat 12.58-de sóndirildi. Apattyq-qutqarý jumystary saǵat 16.59-da aıaqtaldy. О́rttiń shyǵý sebepteri anyqtalýda.
Oqıǵa ornynda Nur-Sultan qalasy TJD, Apattar medısınasy ortalyǵynyń 56 qyzmetkeri men 14 birlik tehnıkasy jumys jasady.
Qala ákimdigi jáne Tótenshe jaǵdaılar departamenti adamdar tońyp qalmaýy úshin KÝNG-kóligi men avtobýs jiberdi.
Oqıǵa ornynda halyqqa psıhologııalyq kómek berý jáne aqparattyq qoldaý úshin qaýyrt jeli telefony jumys istedi. 8-7172-24-51-71 ı 8-7172-24-51-47. Oǵan 11 qońyraý tústi.
Jalpy tótenshe jaǵdaıdy joıýǵa Nur-Sultan qalasy TJD, Apattar medısınasy ortalyǵynan, Polısııa departamentinen, jedel medısınalyq kómek brıgadasynan jáne jergilikti atqarýshy organdardan 172 qyzmetker men 56 birlik tehnıka jumyldyryldy.