Orystyń belgili aqyny Evgenıı Evtýshenko Reseı Jazýshylar odaǵyn qaıta jańǵyrtýdy talap etti. Onyń sózine qaraǵanda, Máskeýde basshylyǵy jáne ádebı qory bar birtutas uıym bolýǵa tıis. Bul týraly «Novye Izvestııa» gazeti habarlady.
Aıtýly aqynnyń osyny talap etken maqalasy «Lıteratýrnaıa gazetanyń» 27 qarasha kúngi nómirinde jaryq kórdi. Onda avtor uıymnyń «óz áriptesterin ulttyq nemese saıası jaǵynan qorlaýǵa jol bergen kez kelgen múshesin óz qatarynan shyǵar alatyn birtutas etıkalyq kodeksi» bolýy tıis ekenin qadap aıtqan.
E.Evtýshenkonyń pikirinshe, KSRO Jazýshylar odaǵy taraǵannan keıin, bir-birimen jaýlasýshy uıymdardaǵy (Reseı Jazýshylar odaǵy men Orys jazýshylarynyń odaǵyn aıtyp otyr) «múshelerdiń sandyq mólsheri kúrt artty da, sapasy solaısha kúrt túsip ketti». Budan ári ol odaqtardyń qalaı qulaǵandaryn, ádebı qordyń qalaı boldy bolǵanyn baıandap ótedi. Sońynda ol birtutas odaqtyń qalaıda kerek ekenin alǵa tartady. «Ol qazir sumdyq túsip ketken sapalyq deńgeıdi kóterer edi», - dep túıindeıdi qalamger.
KSRO-da Jazýshylar Odaǵy 1934 jyly qurylǵan edi. Al 1991 jyly Keńes Odaǵynyń taraýymen birge ol da táýelsizdik alǵan ár memleketke bólinip ketti. Sol dúrbeleńnen keıin Reseıde eki jazýshylar odaǵy paıda bolǵan. Onyń biri «patrıottyq» (burynnan kele jatqany) jáne «demokratııalyq» (sol kezde qurylǵany) baǵyt ustady. Biraq «bir toıda eki jarshynyń bolmaıtyny» ras eken, biri-birimen ustasqan uıymdar aqyryn bir birin joıyp tyndy.
Sáken Maılybaı.
Derekkóz: Novye Izvestııa.