Qýatty tehnıkamen tolyqty

PKSA-M – otandyq ás­ke­rı-ónerkásiptik keshe­niniń ke­zek­ti ozyq úlgisi. Muny avtomat­tandyrý júıe­­leriniń dala­lyq ke­sheni dep te ataı­dy. О́ıt­keni munda stra­tegııalyq, je­del-stra­tegııa­lyq, je­del-tak­tı­kalyq bas­qarý be­ketterin avto­mat­tan­dy­rýǵa arnalǵan júıe bar. Naq­tylaı aıtqanda, aq­­parattyq júıelerdiń ju­mysyn, aqparatty avto­mat­tandyrylǵan, tipti avto­mattandyrylmaǵan rejimde de jınaý men óńdeýdi, saq­taýdy  qamtamasyz etedi.

– Áskerı-baǵdarlamalyq keshenniń quramyna spýt­nıkt­ik baılanys júıesi engizilip otyr. Bul keshenmen Qazaqstan Qarýly Kúsh­­teriniń qoldanystaǵy spýt­nık­tik jelilermen úılesimdi jumys isteýge bo­lady. Onyń máli­metterdi almasý jyl­dam­dyǵy 2 MB/s bolsa, antenna jab­dyǵy –40°C-tan +50°C-ge deıingi temperatýra aralyǵynda jumys isteı beredi, – deıdi radıo vzvo­dy­nyń komandıri, leıtenant Ádilet Qurmashev.

Onyń aıtýynsha, jańa áskerı-baǵdarlamalyq ke­shen­niń keń aýqymdy artyq­shylyǵy bar. Basqasha aıt­qan­da, áleýeti joǵa­ry deý­ge bolady. О́ıtkeni aq­parat­tyq-tehnologııalyq máse­le­lerdi sheshýge, áskerlerdi bas­qarýǵa oń yqpalyn tı­gizedi. PSKA-M baılanys ar­nalaryn qabyl­dap, shıfr­laýǵa, derekterdi ashyq, ja­byq baılanys arnalarymen berýge, kem degende 50 paı­dalanýshynyń qo­sylýymen jer­gilikti kom­pıýterlik jelini orna­las­tyrýǵa múm­kindik bere­di. Bar­lyq qajetti aqparat ko­man­da­lyq bekettiń vızýaldaý qu­rylǵysynda jedel kór­se­tiledi. Prınterler men plot­­terde basyp shyǵary­lady.

Sonymen birge, ýltra­tol­­qyndy dıapazondaǵy radıobaılanysty qamtamasyz ete­di. Mundaı arnaıy baǵ­dar­la­malyq qam­tamasyz etý áskerlerdi jaýyn­ger­lik ázir­­­likke shaqyrý jó­nindegi dy­bystyq bel­giderdi jedel qa­byldaýǵa, komandalardyń oryndalýy týraly esep berýge, komandalyq-basqarý or­gandary, quramalar men bólimder arasyndaǵy is-sha­ra­lardy bólý, sondaı-aq  ja­ýyngerlik tapsyrmalardy qurastyrý men oryndalýyn baqylaýǵa jol ashady.

Atyraý oblysy