Shymkentte “Mal urysy” jedel-profılaktıkalyq is-sharasy qorytyndylandy, – dep habarlaıdy Polisia.kz.
Shymkent qalasy Polısııa departamentiniń qyzmetkerleri qala aýmaǵynda mal urlyǵynyń aldyn alý men ashýǵa baǵyttalǵan “Mal urysy” jedel-profılaktıkalyq is-sharasyn ótkizdi.
Is-shara barysynda mal urlyqtaryna taldaý jasalyp, osy urlyqtar kóp oryn alǵan jerler anyqtaldy jáne is-sharalar ótkizý barysynda negizgi kúshter men quraldar sol aımaqqa bólindi. Qala kólemindegi barlyq bazarlarda, sonyń ishinde urlanǵan mal satylýy nemese satyp alynýy múmkin oryndarda shuǵyl tekserý jumystary júrgizildi.
Atap aıtqanda is-shara barysynda et ónimderin alyp satatyn 132 dúken, et tasmaldaıtyn 81 avtokólik jáne 43 qasapshy tekserildi. Júrgizilgen jedel-izdestirý is-sharalary barysynda jalpy 30 bas urlanǵan mal ıelerine qaıtaryldy. Shymkent qalasy kólemindegi mal urlyqtaryna qarsy kúresý jumystaryn jandandyrýǵa baǵyttalǵan jedel izdestirý is-sharalary jalǵasyn tabýda.