Keshe elordada «Samuryq-Qazyna» UÁQ» AQ basqarýshy dırektory Nurjan Baıdáýletov «Eır Astana» AQ qyzmetine qatysty brıfıng ótkizdi. Atalǵan basqosýda áýe kompanııasynyń qyzmeti men onyń aldaǵy jyldaǵy josparlary jaıy sóz boldy.
Keshe elordada «Samuryq-Qazyna» UÁQ» AQ basqarýshy dırektory Nurjan Baıdáýletov «Eır Astana» AQ qyzmetine qatysty brıfıng ótkizdi. Atalǵan basqosýda áýe kompanııasynyń qyzmeti men onyń aldaǵy jyldaǵy josparlary jaıy sóz boldy.
«Eır Astana» AQ-tyń bıylǵy jylǵy kirisi 143,8 mlrd. teńge bolyp, ótken jylǵy kórsetkishpen salystyrǵanda on paıyzǵa ósti», dedi N.Baıdáýletov. Sondaı-aq, ol kompanııanyń áýe kemeler parki ulǵaıǵanyn da nazardan tys qaldyrmady. 2002 jyly úsh ushaq bolsa, 2013 jyly munyń sany jıyrma toǵyzǵa jetkenin jáne 2020 jyly bul kórsetkish qyryqqa deıin jetip, onyń jartysy kompanııa menshiginde bolatyndyǵyn aıtty.
Brıfıng barysynda N.Baıdáýletov «Eır Astana» AQ qyzmet sapasyn, onyń ishinde reısterdiń keshigýi týraly jolaýshylardy ýaqytynda habardar etý júıesin jaqsartý máselelerine de toqtaldy. «Álemdik deńgeıdegi avıasııalardyń ózinde keshigý bolyp turady. Bul jaǵdaı kóbinese halyqaralyq talaptarǵa saı, jolaýshylar qaýipsizdigin qamtamasyz etýge baılanysty týyndaıdy. Qaýipsizdik máselesi «Eır Astana» úshin de óte mańyzdy. Sonymen qatar, aýa raıy jaǵdaıyn, ushýǵa daıyndyq kezinde keıbir jolaýshylardyń tártipsizdigin, jerdegi ınfraqurylymdardyń kúrdeli jumysyn da esepke alý kerek. Osy jaıttarǵa qaramastan, «Eır Astana» kórsetkishteri álemdik deńgeıge jaqyn tur», degen ol áýe kompanııasy jumysyna áser etetin barlyq faktorlarǵa túsinistikpen qaraı otyryp, «Samuryq-Qazyna» qory osy máselede «Eır Astana» kompanııasynan úlken jaýapkershilikti talap etetinin, sebebi, kóp jaǵdaıda ushaqtardy saǵattap kútý jolaýshylardyń narazylyǵyn týdyryp jatatyndyǵyn da tilge tıek etti. Sonymen birge, ol elimizde «Eır Astanaǵa» bilikti kadrlar daıyndaý máselesi tóńireginde jasalyp jatqan jumystar jaıynan da habar berdi.
Ábdirahman QYDYRBEK,
«Egemen Qazaqstan».