"QazAvtoJol" UK" AQ-da "Ortalyq-Batys" dáliziniń "Aqtóbe-Qandyaǵash" km 11-100 ýchaskesin qaıta jańartý boıynsha kelisim sharttarǵa qol qoıyldy.
Joba ınfraqurylymdy damytýdyń "Nurly jol" memlekettik baǵdarlamasynyń 2020-2025 jylǵy josparynda kózdelgen. Jumystardy SP "SıneMıdasStroı men Todını Konstrýsıonı" JShS (km 11-52) ı SP "Akjol Kýrylys JShS" / "AzVırt" JShQ /"Assana DorStroı JShS" (km 52-100) kompanııalary júzege asyrady. Tehnıkalyq baqylaýǵa Dongsung Engineering Co., Ltd. (Koreıa) men Sýbkonsýltant ZS Engineering LLP (Qazaqstan), al avtorlyq baqylaýǵa "Injenernyı sentr "Astana" JShS men "PI "Kostanaıdorproekt" JShS jaýapty.
"SıneMıdasStroı men Todını Konstrýsıonı" JShS kompanııalary jeltoqsan aıynda daıyndyq jumystaryn bastasa, Aqtóbe qalasynda ornalasqan "AzVırt" JShQ /"Assana DorStroı JShS" merdiger uıymdary qurylys materıaldaryn daıyndap, tehnıkany nysanǵa jetkizý jumystaryn qolǵa alady.
Joba boıynsha, jańa kúre joldyń Aqtóbeden Qandyaǵashqa deıingi (77,5 km) ýchaskesi tolyq tórt jolaqty, I-b tehnıkalyq sanatynda bolsa, Qandyaǵash q.aınalma joly (18,2 km) 2 jolaqty II-tehnıkalyq sanatqa sáıkes bolady. Qurylys jumystarynyń qarqyny artqan sátterde nysanda 3500 bilikti maman men 1800 arnaıy tehnıka jumyldyrylady dep josparlanǵan. Jobanyń merzimi – 3 jyl.
Tas joldyń tehnıkalyq kórsetkishterin arttyrý arqyly Aqtóbe men Atyraý óńirlerindegi logıstıkalyq potensıal artyp, saparǵa jumsalatyn ýaqyt únemdeledi.