Búginde Jambyl oblysynda koronavırýs indetimen kúres júıeli túrde júrgizilip jatyr, dep habarlaıdy Egemen.kz
Oblystyq densaýlyq saqtaý basqarmasynyń basshysy Áset Qalıevtiń aıtýynsha, óńirde ınfeksııalyq stansıonardan 4149 adam saýyǵyp shyqqan. Alaıda, osy ýaqytqa deıin táýligine 10 adam qaýipti indetti juqtyrǵan bolsa, ázirge sol kórsetkish qaıtalanýda eken.
О́ńirdiń bas dárigeriniń sózinshe, ótken táýlikte 4324 jaǵdaı tirkelgen. Tirkelgen jaǵdaılardyń ishinde 1908 naýqas sımptommen, al, 2416 naýqas sımptomsyz bolǵan. Bul rette koronavırýspen kúreste jergilikti bıýdjetten qomaqty qarajat qarastyrylǵan. Máselen, medısınalyq maqsattaǵy qural-jabdyqtardy satyp alýǵa 1,6 mıllıard teńge bólingen. Ol qarajatqa 2 ekstrokorparaldy membrandy oksıgenasııa apparaty, 100 kópfýnksıonaldy kereýet, 14 birlik ókpeni jasandy jeldetý apparaty, 3 KT apparaty, 3 KShS apparat, 4 sıfrlyq rentgen apparaty, 4 ottegi stansııasy jáne taǵy da basqa medısınalyq jabdyqtar alynýda.
Sonymen qatar, respýblıkalyq bıýdjetten Jambyl oblysynyń jedel járdem stansasyna 66 birlik medısınalyq kólikter lızıng boıynsha berilgen. Sondaı-aq, 53 birlik ókpeni jasandy jeldetý apparaty, 8 jyljymaly medısınalyq keshen alynǵan. Basqarma basshysy búginde óńirdegi 78 medısınalyq uıymǵa 6 mıllıard teńge kóleminde dárilik zattar men medısınalyq buıymdar jetkizilgenin atap ótti.
"Al, medısınalyq uıymdar boıynsha aıtar bolsaq, olardyń 34-i basqarmaǵa qaraıdy. Sonymen qatar, 35 uıym jekemenshik, qalǵan 9 uıym áskerı-medısınalyq uıymdar. Atalǵan 6 mıllıard teńgeniń 1,1 mıllıard teńgesi koronavırýs indetin emdeýge, aldyn alýǵa arnalǵan dárilik zattar men medısınalyq buıymdar alýǵa arnalǵan", deıdi Áset Qalıev.