Bul týraly Memleket basshysy Qasym-Jomart Toqaev "Nur Otan" partııasynyń kezekten tys XX Sezinde aıtty, dep habarlaıdy Egemen.kz.
"Qarjyny jáne járdemaqyny negizsiz, ońdy-soldy taratýdy doǵarý qajet. Memleket ataýly kómekti shyn máninde muqtaj adamdarǵa berý kerek. Eń bastysy - áleýmettik ádildik. Sol sebepti muqtaj jandarǵa qamqorlyq jasaýǵa basa mán beriledi. Áleýmettik saıasatty júrgizgende qıyndyqqa tap bolǵan azamattarǵa ataýly kómek kórsetý sharalary kúsheıtiledi", dedi Prezıdent.
Onyń aıtýynsha, aldaǵy 5 jyl ishinde áleýmettik tólemderdi jyl saıyn ındeksteý úshin 3 trln teńgeden astam qarajat bólinedi.
"Ortaq zeınetaqy mólsheri de jyl saıyn ındeksteledi. Biz muny ınflıasııa deńgeıine 2 paıyz qosyp júzege asyrýdy usynyp otyrmyz", dedi Memleket basshysy.