Almatyda ótken Qazaqstan Respýblıkasynyń chempıonatynda kúres túrlerinen Ortalyq sport klýbynyń sportshy-nusqaýshylary 6 medal jeńip aldy, dep habarlaıdy Egemen.kz.
Týrnırdiń alǵashqy medaldaryn alýǵa erkin kúresten baq synasty. Dáýlet Temirjanov 57 kelige deıingi salmaqta, Dáýlet Nııazbekov 65 kelige deıingi salmaqta jáne qatardaǵy jaýynger Nurqoja Qaıpanov 74 kelige deıingi salmaqta el birinshiliginiń chempıondary atandy.
Efreıtor Eraly Ábdirashev 92 keli salmaq dárejesinde chempıonattyń kúmis júldegeri atandy, leıtenant Ádilet Dáýlembaev pen qatardaǵy jaýynger Nurdáýlet Kókteýbaev 86 kelige deıingi salmaq dárejesinde óner kórsetken Qazaqstan Qarýly Kúshteriniń qorjynyna qola medal ákeldi.
«Jarys joǵary deńgeıde ótýde. Bul týrnır COVID-19 koronavırýstyq ınfeksııa pandemııasynan keıin armııa balýandary úshin alǵashqy mańyzdy jarys boldy. Eger erkin kúres týraly aıtatyn bolsaq, onda bizdiń sportshylarymyzdyń óner kórsetýi meni qýantty. Áskerıler jyl saıyn el birinshiliginde kóptegen medaldardy jeńip alady», - dedi Qazaqstan Respýblıkasy Qorǵanys mınıstrliginiń Sport klýby - Ortalyq sport klýbynyń olımpıadalyq sport túrleri boıynsha shtattyq komandalardy daıarlaý bóliminiń bastyǵy maıor Ánýar Úsenov.