Murat Baqtııarulynyń tóraǵalyq etýimen ótken Senattyń Áleýmettik-mádenı damý jáne ǵylym komıtetiniń keńeıtilgen otyrysynda «Eýrazııalyq ekonomıkalyq odaqqa múshe memleketterdiń eńbekshilerin zeınetaqymen qamsyzdandyrý týraly kelisimdi ratıfıkasııalaý týraly» zań jobasy qaraldy.
Kelisim EAEO-ǵa múshe memleketterdiń aýmaǵynda qyzmetkerlerge zeınetaqy jarnalaryn tóleýde de, zeınetaqy taǵaıyndaý men tólemi barysynda da jumysqa ornalastyrýshy memlekettiń azamattarymen teń quqyqtaryn qamtamasyz etýge múmkindik beredi.
«Kelisim kúshine engennen keıin bizdiń azamattarymyz EAEO-ǵa múshe memleketterdiń aýmaqtarynda eńbek etken kezdegi zeınetaqy quqyqtaryn qalyptastyrýǵa, saqtaýǵa jáne iske asyrýǵa tolyq quqyly bolady», dedi komıtet tóraǵasy Murat Baqtııaruly.
Kelisimdi ratıfıkasııalaý EAEO aıasynda eńbek resýrstarynyń biryńǵaı naryǵyn ornyqty damytý úshin jaǵdaı jasaıdy jáne EAEO-ǵa múshe memleketterdiń aýmaǵynda eńbekshilerdiń áleýmettik qorǵalý deńgeıin arttyrýǵa yqpal etetin bolady.
Qujat palatanyń qaraýyna berildi, dep habarlady Senattyń baspasóz qyzmeti.