Mahambet atyndaǵy akademııalyq Qazaq drama teatrynyń aldyna óner tarlandary Sábıra Maıqanova, Nurmuhan Jantórın, Hadısha Bókeeva men Asanáli Áshimovke arnalǵan kompozısııa qoıylǵan edi. Kompozısııa «Shyǵarmashylyq áńgime» dep atalady. Jaqynda qoladan quıylǵan óner týyndysynyń ashylý saltanaty ótti.
Saltanatty sharaǵa teatr jáne kıno akteri, KSRO halyq ártisi, Qazaqstannyń Eńbek Eri Asanáli Áshimov jáne ózge de zııaly qaýym ókilderi qatysty.
– Bul – sáýlet óneriniń úlgisi ǵana emes, mádenıet pen ónerge, onyń ókilderine, aǵa urpaqqa kórsetilgen qurmet. Kez kelgen el úshin rýhanııattyń orny bólek. О́skeleń urpaqty óner ıelerin qurmetteýge úndeıtin týyndy, – dedi oblys ákiminiń orynbasary Baqytgúl Hamenova.
Teatr dırektory Berik Jámenovtiń pikirine súıensek, qazaq óneriniń bastaýynda turǵan halyq ártisteriniń esimi el jadynda saqtalýy tıis. Sol sebepten teatr aldyndaǵy alańǵa osyndaı kompozısııany ornatý týraly ıdeıa týyndapty. Kompozısııany almatylyq músinshi Gúlfııa Meldesh jasady.
Atyraý oblysy