Qazaqstannan gýmanıtarlyq kómek retinde jiberilgen medısınalyq buıymdar men jabdyqtar búgin Bishkekke jetkizildi.
Onyń quramynda «Tynys» AQ-da óndirilgen «Kókshetaý-4P» ókpeni jasandy jeldetý mobıldi apparattarynyń 400 danasy jáne Almatydaǵy «Dolce pharm» JShS jáne Jambyl oblysynda ornalasqan «Mega pharm» JShS shyǵarǵan 2 mln. medısınalyq betperde bar.
Gýmanıtarlyq kómek Qazaqstan Respýblıkasynyń Prezıdenti Qasym-Jomart Toqaevtyń tapsyrmasyna saı kórsetildi.
Jiberilgen gýmanıtarlyq júktiń jalpy quny 400 mln. teńgege jýyq. QR Úkimetiniń qaýlysyna sáıkes aksııany Qazaqstan Respýblıkasynyń Indýstrııa jáne ınfraqurylymdyq damý mınıstrligi uıymdastyrdy. Júkti Qyrǵyzstan Densaýlyq saqtaý mınıstrliginiń mamandary qabyldap aldy.