Shymkentte oq atýdan Qazaqstannyń chempıonaty ótýde. Ortalyq sport klýbynyń qorjyny 2 altyn, 3 kúmis pen 4 qola medalmen tolyqty, dep habarlaıdy Egemen.kz Qorǵanys mınıstrliginiń baspasóz qyzmetine silteme jasap habarlaıdy.
Týrnırde kil myqtalardyń qatarynan kóriný úshin 100 qatysýshy saıysqa tústi. Jarystyń baǵdarlamasyna jeti jattyǵý kirdi. Sportshylar shaǵyn kalıberli, pnevmatıkalyq myltyqtan, sondaı-aq pıstolettiń ár túrinen jalǵyz jáne juptasyp atýdan jarysty.
Qazaqstan Qarýly Kúshteriniń namysyn mergender Iýrıı Iýrkov, Elena Faınberg jáne Darıa Kalınına qorǵady.
"Bul jarystar bıylǵy jyldyń sońǵy jarystary. Chempıonat barlyq sanıtarlyq-epıdemıologııalyq normalarǵa sáıkes ótkizildi. Al armııa sportyna keler bolsaq, olar árqashan ózderi kórsetip júrgen joǵary, sheber jáne kásibı daıarlyq deńgeıin kórsetti. Áskerı qyzmetshi Iýrıı Iýrkov – "Tokıo-2021" Olımpıada oıyndaryna joldama alǵanyn aıta keteıin", - dep bólisti aǵa jattyqtyrýshy – Ortalyq sport klýbynyń oq jáne stend atýdan komanda bastyǵy Olga Vajnına.