Kaspıı teńiziniń qazaqstandyq sektoryndaǵy eń iri kenish – "Qashaǵan". Bul ken ornynan munaı óndirý 2013 jyly bastalǵan edi. Al 2016 jyly munda "qara altyn" alý qaıta jalǵasty. Sońǵy tórt jylda óndirilgen munaıdyń kólemi 50 mln tonnaǵa jetti, dep habarlaıdy Egemen.kz.
"Soltústik Kaspıı jobasynyń operatory – NCOC kompanııasy taǵy bir mańyzdy kórsetkishke qol jetkizdi. "Qashaǵan" ken orny 2016 jyldan beri 50 mln tonna munaı óndirilip, eksporttaldy. Kompanııa COVID-19 ınfeksııasynyń taralýyn boldyrmaý maqsatynda qaýipsizdik sharalaryn qabyldap, nysandardaǵy jumys kúshin shektegen. Soǵan qaramastan, "Qashaǵan" ken ornyn ıgerýdiń birinshi kezeńi sheńberinde munaı óndirýdiń turaqtylyǵyn, ózge de nysandardyń jumysyn qamtamasyz etýde", dep habarlady kompanııanyń baspasóz qyzmeti.