Shymkent qalasynda káriz tazalaý ımaratynyń qýattylyǵyn qosymsha 50 myńǵa kóterý jobasyn iske qosý josparlanýda. Jobalaý qujattary ázirlengen. Bıyl jeltoqsan aıynda saraptama qaraýyna joldanady jáne 2021-2022 jyldary qurylys jumystaryn júrgizý josparlanyp otyr. Bul týraly qalalyq energetıka jáne kommýnaldyq-sharýashylyq basqarmasy basshysy Jolshybek Shaıhslamov málimdedi, dep habarlaıdy Egemen.kz.
Qazirgi tańda qoldanystaǵy káriz tazalaý ımaratynyń qýattylyǵy táýligine 150 myń tekshe metr sýdy tazalaýda. Qoldanystaǵy káriz tazalaý ımaraty jazdyq kezeńde 115 myń, jaýan-shashyn kezeńderde 160-170 myń tekshe metr káriz sýlaryn tazalaıdy.
Jańa qosymsha ımarattyń jobasynyń tehnıkalyq-ekonomıkalyq negizdemesi ázirlendi. Joba aýqymdy bolýyna baılanysty jobalaý jáne qurylys jumystaryn memlekettik-jekeshelik áriptestik arqyly júrgizýge ınvestorlarǵa usynys berilýde.