AJYRASÝǴA ÁIEL MÚDDELI. NEGE?

Shańyraq kótergen jas otaý­­lardyń teń jarymyna jýyǵy arada birer jyl ótpeı-aq ajyrasyp jatatynyn búgin­de jurttyń bári biledi. Eń qıy­ny, ajyrasýǵa aryz berýshi­ler­diń deni áıelder eken. Bul, sóz joq, áıel zatynyń otbasy bere­kesin saqtaýǵa yntasyzdyǵynyń belgisi. Iаǵnı, otbasy tárbıe­sin­de jiberilgen aqaýdyń áseri. Áıtse de olardyń bárine birdeı qara boıaýdy battastyra jaǵýdan aýlaqpyz. “Arqada qys jaıly bol­­sa, arqar aýyp nesi bar” de­gen­deı, ajyrasýǵa olardy máj­búr etetin jáıt – ómir jolyna birge attanǵan jarynyń otbasy jylýyn saqtaýǵa jaýapsyzdyǵy ekeni de anyq. Rasynda da osy kúnderi jigitterdiń arasynda otbasyn asyramaq túgili, óz basyn alyp júre almaı júr­genderi de tolyp jatqan joq pa... Árıne, aıta berse, tize ber­se jas shańyraqtyń kúı­reýine ákep soǵatyn sebep te, saldar da az emes. Degenmen, eń basty sebep – jastardyń otbasyn qurýǵa degen jaýapsyzdyǵy, daıyndyǵynyń joqtyǵy de­mes­ke shara joq. Urys-jan­jal kirgen, aqyry ajyrasyp tynǵan mundaı otbasynda eń aldymen bala japa shegedi. Buryndary ata-anasy ajy­ras­qan jaǵdaıda bala kóbinde ana baýyrynda qalatyn. Negizi­nen bul durys sheshim. О́ıtkeni, bala­ǵa anasynan jaqyn kim bar?! Alǵan tárbıesi, bilim-biligi bir-birine saı keletin, aýrý-syr­qaýy joq ananyń balany je­tim­siretpeı, kóńiline qaıaý sal­maı ósirip, azamat etip qa­taryna qosatynyn da ómirdiń ózi dálel­dep otyr. Sodan da zań oryn­dary negizinen balanyń anasyn­da qalýy basy ashyq másele dep qaraı­tyn. Al endi osy kúnderi sot arqyly ajy­ras­qan kezde balanyń ákesinde qalýyn óz erkimen qalaıtyn áıelderdiń qylań bere bastaýyn qalaı túsi­nemiz? Bul balanyń baqýat­ty áke­niń baýyrynda eshnár­se­den tarshylyq kórmeı ósýin oılaý ma, joq álde baýyr eti per­zenti­niń beınetinen qashqaq­taý ma? Mine, osy jaǵy oılandyrady. Mine, osy jáıtter Prezı­dent janyndaǵy Áıelder isi jáne otbasylyq-demografııa­lyq saıasat jónindegi ulttyq komıssııanyń kezekti otyry­synda áńgime ózegine aınaldy. Negizgi áńgime, kún tártibindegi másele basqa, ıaǵnı genderlik tepe-teńdik máselesine baıla­nysty sýdıalardyń, advokattar­dyń bilimin jetildirý, olardy qajetti osy turǵydaǵy oqý baǵdarlamalarmen qamtamasyz etý bolǵanymen joǵarydaǵy jáıttiń kóbirek sóz bolýy, oǵan kópshilik tarapynan meılinshe mán berilýi bul máselege eshkim­niń de beı-jaı qaramaı­tyndyǵyn ańǵartady. Eńbek jáne halyqty áleý­met­tik qorǵaý mınıstri, Prezı­dent janyndaǵy Áıelder isi jáne otbasylyq- demografııa­lyq saıasat jónindegi ulttyq komıssııanyń tóraıymy Gúl­shara Ábdiqalyqova ótkizgen bul jıynǵa Parlament depýtattary, birqatar mınıstrlikterdiń jaýap­ty qyzmetkerleri, halyq­aralyq jáne úkimettik emes uıymdardyń ókilderi qatysty. Jumagúl QÝANYShBEKQYZY.