Bas prokýratýra Birikken Arab Ámirligi Dýbaı qalasynda tutqyndalǵan Qazaqstannyń 12 azamaty máselesimen aınalyspaıtynyn, bul isti elimizdiń ishki saıasat qurylymy baqylaýy qajettigin málimdedi. Bul týraly Total.kz habarlady.
Osyǵan deıin birqatar buqaralyq aqparat quraldary betinde jarııalanǵandaı, Birikken Arab Ámirligi asa aýyr qylmys boıynsha elimizdiń 10 azamatyna izdeý jarııalaǵan. Al jaqynda ǵana Dýbaı polısııasynyń qolyna túsken bizdiń 12 azamattyń máselesimen Syrtqy ister mınıstrligi aınalysýda.
Bas prokýratýranyń resmı ókili Nurdáýlet Súıindikov jýrnalısterge bergen suhbatynda tutqynǵa alynǵan 12 azamatqa qatysty baılamdy Syrtqy ister mınıstrliginiń tujyrymynan keıin aıtýǵa bolatynyn, sondaı-aq, qashqyn eks-bankır Muhtar Ábilázovtiń áıeli Alma Shalabaevaǵa qatysty tergeý isiniń aıaqtalmaǵanyn atap ótti. Qazir onyń jalǵan qujat jasatqany týraly aıǵaqtar jan-jaqty tekserilýde. Osy jáne ózge másele boıynsha onyń júrgen jerlerine suraý salynǵan. Sondyqtan olardan jaýap kelgenshe, naqty málimet jarııalaýǵa erterek. Al M. Ábilázovtiń ózine qatysty Fransııada 5 jeltoqsanda kezekti sot otyrysy ótkiziletini belgili boldy. Ol Anglııa Joǵarǵy sotynyń sheshimi boıynsha elimizge 300 mln. dollar qaıtarýy tıis.
Baqytbek Keneshuly.
Derekkóz: Total.kz