Túrkistan oblysynda jalpy bilim beretin mektepterdiń 1-5 synyp oqýshylaryna kezekshi synyptarda oqýǵa ruqsat etildi, dep habarlaıdy Egemen.kz oblys ákiminiń baspasóz qyzmetine silteme jasap.
Tıisti qaýlyǵa óńirdiń Bas memlekettik sanıtarııalyq dárigeri Nurbek Nyshanov qol qoıdy. Ata-analardyń ótinishimen dástúrli formatta oqıtyn synyptaǵy oqýshylar sany 15-ten aspaýy shart. Ár partaǵa bir baladan shahmatty rejımde otyrǵyzylady. Sabaq ýaqyty 40 mınýttan aspaıdy.
Túrkistan oblysy sanıtarııalyq-epıdemıologııalyq baqylaý departamentiniń talabyna sáıkes, mektep qabyrǵasynda bilim alýshylar arasynda koronavırýstyq ınfeksııanyń taralýyna jol bermeý maqsatynda dástúrli formatta sabaq oqytylatyn kezekshi synyptarda jáne shaǵyn jınaqtalǵan mektepterde sanıtarııalyq-gıgıenalyq talaptary qatań saqtalýy qajet. Oqý kabınetterinde antıseptigimen sanıtaızerler ornatylýy qatań qadaǵalanǵan.
Oqýshylar men muǵalimderdiń dene temperatýrasy kún saıyn ólshenip, arnaıy jýrnalǵa tirkeledi. Betperdeler ár 2 saǵat saıyn aýystyryp, qoldanylǵan las maskalardy arnaıy belgi qoıylǵan qoraptarǵa tastaý talap etiledi. Adamdar arasynda 1,5 metrden asa qashyqtyqty saqtaý mańyzdy. Sol sebepti mektepte araqashyqtyqty saqtaýǵa arnalǵan belgiler syzylyp, bir baǵytty qozǵalys uıymdastyrylǵan.