Birlesken málimdeme jobasy qaraldy

Senator Murat Baqtııaruly TMD Parlamentaralyq Assam­bleıa­synyń Áleýmettik saıasat jáne adam quqyqtary jónindegi turaqty komıssııasynyń otyrysyna qatysty.

Covid-19 koronavırýs ınfek­sııasynyń taralýyna qarsy is-qımyl sharalary otyrystyń negizgi taqyryptarynyń biri boldy. Atap aıtqanda, TMD-ǵa qatysýshy memleketterdiń Parlamentaralyq Assambleıasy Keńesiniń jáne Dúnıejúzilik densaýlyq saqtaý uıymynyń Eýropalyq óńirlik bıýrosynyń «Covid-19-ǵa qarsy is-qımyldaǵy parlamentterdiń róli týraly» birlesken málimdemesiniń jobasy qaraldy.

«Parlamentterdiń Covid-19-ǵa qarsy turýdaǵy róli týraly» birlesken málimdeme ýaqtyly ári qajet bolyp otyr, óıtkeni bizdiń elderimizdiń parlamentteri, TMD Parlamentaralyq Assambleıasy Keńesi, sondaı-aq basqa elderdiń parlamentteri men parlamenttik as­sambleıalary yntymaqtasyp, jahan­dyq pandemııany jeńýge kómek­tesýi kerek», dedi Murat Baqtııar­uly.

Senator sondaı-aq qazaq­stan­dyq tarap osyǵan deıin bul joba boıynsha eskertýler men usy­nystar jibergenin atap ótti. Turaqty komıssııa talqy­laýdan keıin qazaqstandyq parla­ment­shiler joldaǵan barlyq esker­týlerdi qabyldady.

Senat depýtaty Nurlan Qy­lysh­baev ta TMD-ǵa qatysýshy mem­le­ketterdiń Parlamentaralyq Assam­­bleıasynyń Ekonomıka jáne qarjy jónindegi turaqty komıs­sııasynyń otyrysyna qatysty.

Otyrys jarııa-jekemenshik áriptestiktiń túrli máselelerin retteıtin qujattardy ázirleýdegi úshinshi kezeńdi aıaqtaıdy. Buǵan deıin TMD PAA Squire Patton Boggs kompanııasymen jáne Eýro­pa qaıta qurý jáne damý ban­kimen yntymaqtasa otyryp «Ja­rııa-jekemenshik áriptestik týraly» úlgilik zańdy ázirledi jáne TMD-ǵa qatysýshy memleket­terde ja­rııa-jekemenshik árip­tes­tik tetik­terin damytý jáne qol­daný jónin­degi is júzindegi usy­nym­dardy da­ıyndaýǵa kiristi.

TMD Parlamentaralyq Assam­bleıasynyń Mádenıet, aqparat, týrızm jáne sport jónindegi turaqty komıssııasynyń otyrysyna senator Dınar Nóketaeva da qatysty.

Otyrysta TMD-ǵa qatysýshy memleketterdiń sıfrly damý salasyndaǵy yntymaqtastyǵy týraly usynymdar jobasyn jáne TMD-ǵa qatysýshy memleketterde baspa basylymynyń mindetti danasyn elektrondy nysanda berý máselesi boıynsha biryńǵaı tásilderdi belgileý jónindegi usynymdardy ázirleý, sondaı-aq turaqty komıssııanyń basqa da máseleleri talqylanady.