Qııalshyl hanymdardyń qoltańbasy

Aradaǵy úlken úzilisten keıin atalǵan qor byltyr ózi­niń shyǵarmashylyq qyz­metin qaıta bastady. Osy ýa­qyt ishinde ómirin ónermen ush­tas­­tyryp, qýanyshyn qyl­­qa­lamnan tapqan hanymdar shyǵarmashylyq jáne uıym­dastyrýshylyq jumysta jańa tájirıbe jınap, kásibı ósý kezeń­derinen ótti. Búgingi tańda Qorda Qazaqstan, О́zbeks­tan, Túrkimenstan, Tájik­stan, Qyr­ǵyzstan, Aýstrııa, Ger­ma­nııa, Kanada, AQSh, Túrkııa elderiniń kásibı kórkemóner salasynda joǵary bilimderi bar keskindeme, grafıka, sán­dik-qoldanbaly óner, músin sııaq­ty túrli óner salasynda jumys is­teıtin, basqa da elderdiń ká­sibı sýretshileri bar. Kórme únemi jańa baǵyttardy, for­manyń, plastıka men kom­po­zısııanyń mánerliligin, ózi­niń kórkem tilin izdep júrgen ta­lantty jas sýretshilerdiń shy­ǵarmashylyǵyn kórsetedi.

«Tań-Sholpan» qorynyń prezıdenti sýretshi Jámıla Tákenniń paıymynsha, ná­zik jandy sýretshilerdiń shyǵar­mashylyǵy tek óz tutastyǵy men daralyǵyn saqtaı bilýmen shektelmeıdi. О́zin qurmetteýge jáne súıýge tereń mán bergizip, úılesimdi ómir súrý qabiletin qýattaı túsedi. Sonymen birge áıel – sýretshi-sheber, ja­sam­paz, kreatıvti oılaıtyn jáne ómirge ózindik ásermen qaraıtyn, barlyq qııaldary, oılary men tájirıbelerin óz shyǵarmashylyq jumysynda beıneleıtinin túsinýge jáne moıyndaýǵa yntalanady.

– Bıyl álemde bolyp jat­qan oqıǵalar adamdardyń ómirine áser etti. COVID-19 pan­demııasyna baılanysty biz ómirge degen kózqarasymyzdy ózgerttik, qundylyqtardy ba­ǵalaýdy úırendik, álem bas­qasha keıipke endi. Adamzat ómir saltyn túbegeıli ózgertti, biz damýdyń jańa kezeńin bas­tan ótkerip jatyrmyz jáne burynǵydaı ómir súrý múmkin emes. Tuıyq keńistikte bolýdy úırendik, onlaın oqytý, lok­daý­n jáne taǵy basqalardyń ne ekenin bildik. Biz ózgerdik. Biz ádettegiden ádemi kórýdi jáne baǵalaýdy úırendik. О́mirimiz ben shyǵarmashylyǵymyz jal­ǵasýda. Sýretshi áıelder ómiriniń, oqıǵalardyń, bú­kil ish­ki áleminiń ózgerýi – osy­­nyń bári atalǵan kór­mege qa­ty­sýshylardyń shyǵarma­shy­ly­ǵynda bar, – deıdi Jámıla Táken.

Armanshyl hanymdardyń qııalyna qanat bitirgen onlaın-kórmege 100-ge jýyq úzdik kes­­kindeme jáne grafıkalyq jumys, sándik-qoldanbaly óner týyndysy qoıylǵan. Olar­­dyń qatarynda álem já­ne Qazaqstan beıneleý óne­rine óz soqpaǵyn salýǵa tal­pyn­ǵan Sáýle Bapanova, Ásııa Haırýllına, Raýshan Bazar­baeva, Jámıla Táken, Gúl­jamal Taǵenova, Gúljanat Qa­bı­janova, Dılorom Mamedova (О́zbekstan), Roza Janǵaracheva (Qyrǵyzstan), Galına Shvaıger (Germanııa), Marlıs Lepıchnık (Avstrııa), Áıgerim Ronaher (Avstrııa), Leıla Ahmet-Osman (AQSh) syndy daryndy sýret­shiler bar.