14-19 jeltoqsanda Alataý baýraıyndaǵy ásem shaharda ornalasqan "Almaty Arena" sport kesheninde mánerlep syrǵanaýdan Qazaqstan chempıonatynyń jalaýy jelbireıdi, dep habarlaıdy Egemen.kz.
Kúlli álemde koronavırýs derti órship turǵan qazirgi qıyn jaǵdaıda aıtýly doda kórermensiz ótedi jáne barlyq saqtyq sharalary saqtalady. Jarys qarsańynda qatysýshylar PSR testi tapsyrýǵa tıis. Básekeler sport sheberi degen ataqtary bar eresekter (14 jastan asqandar) jáne sport sheberliginen úmitker jastar (10-18 jas aralyǵyndaǵylar) arasynda ótedi. Osy saıys arqyly kelesi jyly halyqaralyq jarystarda Qazaqstannyń týy astynda óner kórsetetin órender anyqtalady.
Esterińizge sala keteıik, byltyrǵy el birinshiliginde erler arasynda Mıhaıl Shaıdorov top jarsa, Rahat Bralın men Dıas Jırenbaev júldegerler sanatyna qosyldy. Áıelder saıysynda Aıza Mambekova altynnan alqa taǵynsa, Ajar Jumahanova men Iаsmın Tekık kúmis jáne qola medaldardy moıyndaryna ildi.