Aǵymdaǵy jyldyń tamyz aıynda sybaılas jemqorlyqqa qarsy kúres máseleleri jónindegi keńeste Memleket Basshysy Qasym-Jomart Toqaev qoǵamdyq baqylaýdyń jańa nysandary men basqarý sheshimderiniń barynsha ashyqtyǵynyń qajettigi týraly málimdedi. Osyǵan oraı Sybaılas jemqorlyqqa qarsy qyzmet Astana hub IT-startaptar halyqaralyq tehnoparkimen birlesip, jemqorlyqtyń aldyn alýǵa baǵyttalǵan sıfrlyq tehnologııalardy engizý boıynsha jalpyulttyq ıdeıalar jınaǵyn iske qosady.
Bul joba ınnovasııalyq ıdeıalardy shoǵyrlandyrý, IT-qoǵamdastyqty tartý arqyly úzdik sıfrlyq sheshimderdi qoldaý jáne memlekettik basqarý júıesine ádetten tys tásilderdi týdyrýda jas urpaqtyń múmkindikterin kórsetý maqsatynda júzege asyrylady. IntegrityTech ıdeatonynyń mańyzdy mindetteriniń biri – sandyq quraldardy qoldaný arqyly qoǵamdyq baqylaýdy kúsheıtý. Qatysýshylardyń jobalary óteýli negizde iske asyrylatyndyǵyn, sonymen qatar tehnıkalyq qoldaý jáne jańa ıdeıalardy súıemeldeý Sybaılas jemqorlyqqa qarsy qyzmet negizinde júrgiziletindigin atap ótken jón. Jalpyulttyq ıdeıalardy jınaýdyń taǵy bir artyqshylyǵy – joba qatysýshylaryna Sybaılas jemqorlyqqa qarsy is-qımyl agenttiginiń seriktes uıymdarynda taǵylymdamadan ótý jáne jumysqa ornalasý múmkindigi beriledi.Joba jyl saıyn 9 jeltoqsanda atap ótiletin Halyqaralyq sybaılas jemqorlyqqa qarsy kúres kúnine oraılastyrylǵan. Qatysýǵa ótinimder aǵymdaǵy jyldyń 7 jeltoqsanyna deıin Astana Hub akademııasynyń resýrstar portalynda onlaın qabyldanady. Úzdik bastamalar 8 jeltoqsanda irikteledi. Al olardyń baǵdarlamashylar marafony aıasynda iske asyrylýyn qazaqstandyqtar 2021 jyldyń naýryz aıynda kóre alady.