Mobıldi toptar karantın tártibin saqtaý boıynsha reıdterdi jalǵastyrýda. Polısııa qyzmetkerleri, aýdan ákimdikteri ókilderi, eriktiler saýda ortalyqtaryn, kafeler men meıramhanalardy tekseredi.
Sonymen, 30 qarashada saǵat 00.54-te kestege baǵynbaı jumys isteıtin «Pırat» syra bary anyqtaldy. Sol kúni saǵat 00:10-da tekserýshiler qalalyq saýnalardyń birinde zań buzýshylyqtardy anyqtady.
Menshik ıelerine qatysty jınalǵan materıaldar prosessýaldyq sheshim qabyldaý úshin sanıtarlyq-epıdemıologııalyq baqylaý basqarmasyna jiberildi.
Barlyǵy 28 qarashadaǵy jaǵdaı boıynsha Nur-Sultan qalasynyń aýdandyq sanıtarlyq-epıdemıologııalyq baqylaý basqarmalaryna karantındi buzǵan adamdarǵa qatysty aýdandyq polısııa basqarmalarynan 2176 materıal kelip túsken. Sanıtarlyq normalardy buzǵany úshin 1111 jeke jáne zańdy tulǵa jalpy somasy 219 487 554 teńgeni quraıtyn ákimshilik jaýapkershilikke tartyldy.
Búgingi tańda jalpy somasy 175 316 635 teńgege 884 ákimshilik aıyppul tólendi.