Qurlyqtyq hokkeı lıgasynda (QHL) súreńsiz óner kórsetip, qatarynan bes oıynda jeńilgen Nur-Sultannyń «Barysy» jankúıerlerdiń kóńil selkeý túsirgen edi, dep habarlaıdy Egemen.kz.
Sońǵy týrda jerlesterimiz Másekeýdiń «Spartagyn» qabyldady. Báseke óte shıelenisti ótti. Qos komandaǵa da bir-biriniń qaqpa kiltin tabý ońaıǵa soqpady. Desek te bul joly «Barystyń» joly boldy. 13-mınýtta kanadalyq legıoner Kertıs Volk esep ashty. Úzilisten keıin de eki jaq biraz tiresti. 37-mınýtta dál sol Volktyń keremet pasynan keıin shvesııalyq shabýylshy Iаkob Lıllıa ekinshi goldy soqty. Úshinshi kezeńde Sergeı Shırokov esep aıyrmashylyǵyn qysqartty. Odan árige máskeýlikterdiń áli jetpedi. Bul kezdesý 2:1 esebimen elordalyq hokkeıshilerdiń paıdasyna sheshildi.
Turaqty birinshiliktiń jarys kestesinde «Barys» 18 orynda tur. 27 kezdesýden keıin olar 27 upaıǵa ıelik etýde. Endi óziniń kelesi kezdesýin astanalyqtar búgin «Sochıge» qarsy ótkizedi.