Eýropa Odaǵy men «Shyǵys áriptestigi» sammıti aıaqtaldy. Onyń qorytyndysy boıynsha, Ýkraına Eýropa Odaǵymen qaýymdastyq qurý jóninde kelisimge qol qoımady. Bul týraly Rg.ru habarlady.
Baspasóz konferensııasynda eýropalyq keńestiń tóraǵasy Herman Van Rompeı, eýrokomıssııa basshysy Joze Manýel Borrozý men Lıtva prezıdenti Dalııa Grıbaýsýkaıte sammıtti qorytyndylady.
«Birinshi kezekte, qonaqjaılyǵy men sammıtti sátti ótkizýge tyrysqany úshin Dalııa Grıbaýsýkaıtege alǵys bildirgim keledi. Sammıtke Eýropa Odaǵy ókilderi men «Shyǵys áriptestigi» músheleriniń belsendi qatysqanyn da atap ótken jón, – dedi Herman Van Rompeı. – Eýropa Odaǵy – qarqyndy joba. Bul bos sózder emes. Eýropa Odaǵy jaqyn saıası baılanystarǵa senedi. Bunyń dáleli retinde odaqtyń Ázirbaıjanmen vızalyq tártipti jeńildetý jáne Ýkraınamen ortaq áýe keńistigin qurý jónindegi kelisimderge qol qoıǵanyn, sondaı-aq Moldavııa jáne Grýzııamen qaýymdastyq qurý jóninde kelisimder daıyndaǵanyn aıta ketýge bolady».
Eýropalyq keńestiń tóraǵasy 2015 jyly ótetin «Shyǵys áriptestigi» sammıtiniń maqsaty demokratııany nyǵaıtyp, túrli deńgeıde yntymaqtastyq júrgizý bolatynyn málimdedi.
«О́kinishke oraı, Ýkraına men Armenııa qol jetkizilgen kelisimder qataryna kirmedi, – dedi Herman Van Rompeı. – Alaıda, bizdiń usynysymyz sol qalpynda qalady. Batyldyq tanytyp, sheshim qabyldaıtyn kez keldi».
Aıdar О́risbaev.
Derekkóz: Rg.ru