Efıopııa áskerıleri Tıgraı qalasyna bettep, kóterilisshilermen qaqtyǵysty. Resmı bılik pen «Tıgraıdy azat etý halyqtyq maıdany» separatısteri arasyndaǵy janjal úshinshi aptaǵa sozyldy.
Efıopııa premer-mınıstri Abıı Ahmed Álı ázirge halyqaralyq qoǵamdastyqtyń atysty toqtatyp, kelissóz júrgizýge shaqyrýyn qulaǵyna iler emes. Ol 2019 jyly Erıtreıamen aradaǵy kópjyldyq shıelenisti sheshkeni úshin Nobel syılyǵyn alǵan bolatyn.
Qaqtyǵys saldarynan myńdaǵan adam qaza taýyp, kópshiligi bosqynǵa aınaldy. BUU elde gýmanıtarlyq daǵdarys bastalǵanyn habarlady. BUU Efıopııa úkimetine eldegi 4 lagerge aparar joldy ashýdy tapsyrdy. Memlekettegi shıelenis saldarynan gýmanıtarlyq kómekke zárý toppen baılanys úzilgen. Olar birneshe aıdan beri esh kómek ala almaı keledi.
BUU-nyń bosqyndar máselesi boıynsha Efıopııadaǵy ókili Enn Enkontr «Gýmanıtarlyq kómekti jetkizý qıyndap ketti. Bosqyndarmen baılanys úzilip, shamamen 100 myń erıtreıalyq azyq-túliksiz qaldy», deıdi.