Premer-Mınıstr Asqar Mamınniń tóraǵalyǵymen ótken Úkimet otyrysynda AО́K jáne jer qatynastaryn sıfrlandyrý máseleleri qaraldy, dep habarlaıdy Egemen.kz.
Aýyl sharýashylyǵy mınıstri Saparhan Omarov, sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın jáne Premer-Mınıstrdiń orynbasary Roman Sklıar baıandama jasady.
Qostanaı, Soltústik Qazaqstan jáne Shyǵys Qazaqstan oblystarynyń fermerlik sharýashylyqtaryn sıfrlandyrý tájirıbesi týraly agrobıznes ókilderi — «Olja Agro» JShS bas dırektory Aıdarbek Qojanazarov, «Atameken Agro» AQ basshysy Aleksandr Fadeev, «Maıly daqyldardyń tájirıbelik sharýashylyǵy» JShS basshysy Farıd Abıtaev baıandady.
«Nur Otan» partııasynyń saılaýaldy jańa baǵdarlamasynda AО́K-tegi eńbek ónimdiligin 2,5 ese ósirip, ónim eksportyn eki ese ulǵaıtý mindeti qoıylǵan, onyń 70%-y óńdelgen bolýy kerek. Sondaı-aq jalpy aýyl sharýashylyǵy óniminiń kólemin 1,3 ese ulǵaıtý qajet.
Úkimet basshysy alǵa qoıylǵan mindetterge qol jetkizýdegi basty quraldardyń biri — elimizdiń agroónerkásip keshenin tolyq sıfrlandyrý ekenin atap ótti, ol ónim óndirýge jumsalatyn shyǵyndardy azaıtýǵa, onyń sapasy men básekege qabilettiligin arttyrýǵa múmkindik beredi. 5 jyl ishinde memlekettik-jekemenshik áriptestik aıasynda 50 mlrd teńge 100 mln gektardan astam aýyl sharýashylyǵy maqsatyndaǵy jerlerdi sıfrlandyrýǵa ınvestısııalanady.
О́simdik sharýashylyǵy men mal sharýashylyǵyndaǵy sıfrlandyrý jınalatyn astyq pen mal sharýashylyǵy ónimin 20%-ǵa deıin arttyrýǵa múmkindik beredi. Al fermerlerdiń shyǵyny 15%-dan astamǵa qysqarady.
Aldaǵy ýaqytta sıfrlandyrý esebinen astyq jınaý jylyna 25 mln tonnaǵa deıin ulǵaıady. Jer qatynastaryn sıfrlandyrý aıasynda jer telimderi, qurylystar men ǵımarattar jónindegi derekterdi qamtıtyn Jyljymaıtyn múliktiń biryńǵaı memlekettik kadastryn qurý jumysy júrgizilip jatyr.
Úkimet Parlamentke tıisti zań jobasyn engizdi, ol kóptegen qyzmetterdi elektrondyq formatqa kóshirýge, jer telimderin berý tártibin jeńildetýge jáne jalpy halyqqa kórsetiletin qyzmetterdiń sapasyn jaqsartýǵa jol ashady.
Úkimet basshysy aýyl sharýashylyǵy jáne sıfrlyq damý mınıstrlikterine, sondaı-aq óńirlerdiń ákimdikterine bir aı ishinde AО́K jáne jer qatynastaryn odan ári sıfrlandyrýdyń jol kartasyn ázirleýdi tapsyrdy.
Premer-Mınıstr 2021 jyly Jerdi ǵaryshtan monıtorıngteý boıynsha pılottyq jobany búkil respýblıka boıynsha taratýdy tapsyrdy. Sıfrlyq damý, aýyl sharýashylyǵy mınıstrlikterine jáne ákimdikterge kelesi jyly jer qatynastaryn sıfrlandyrý jónindegi jumysty aıaqtaý, jer ýchaskelerin resimdeý prosesiniń ashyqtyǵyn qamtamasyz etý jáne olarǵa qujattar berý merzimin 1 jyldan 20 kúnge deıin qysqartý tapsyryldy.