Túrkistan oblysynda polıseıler О́zbekstan azamatyn esirtki kontrabandasymen ustady, – dep habarlaıdy Polisia.kz.
Saryaǵash APB kezekshi bóliminiń “102” pýltine “Jibek joly” shekara beketinde esirtki kontrabandasynyń jaıty anyqtalǵany týraly habarlama kelip tústi. Oqıǵa ornyna kelgen polıseıler ótkizý pýnktinen ótý kezinde sheteldikterdiń birine “Nano” atty qyzmettik ıt belgi bergenin anyqtady.
Jedel ýákilder kúdiktini, О́zbekstan azamatyn tintý kezinde kúrteshesinen esirtki zatyna uqsas túıinshekti taýyp, tárkilep aldy. Tártip saqshylary ustalǵan er adamdy aýdandyq polısııa bólimine jetkizdi. Saraptamaǵa sáıkes, alynǵan ósimdik tektes zat salmaǵy bir gramnan asatyn “keptirilgen marıhýana” bolyp shyqty.
Qazirgi ýaqytta atalǵan jaıt boıynsha QR QK-niń 286-baby (Aınalymnan alynǵan zattardyń nemese aınalysy shektelgen zattardyń kontrabandasy) sotqa deıingi tergeý amaldary júrgizilýde. Kúdikti qamaýǵa alyndy. Tergeý oqıǵanyń barlyq mán-jaıyn anyqtaıdy.
О́z kezeginde Túrkistan oblysynyń polıseıleri esirtki zattaryn zańsyz saqtaǵany, ótkizgeni, ósirgeni jáne kontrabandasy úshin qylmystyq jaýapkershilik qarastyrylǵanyn eskertedi. Sonymen qatar, tártip saqshylary oblys turǵyndaryn zııandy ádetterden bas tartyp, salaýatty ómir saltyn ustanýǵa shaqyrady.
Eger siz de esirtkiniń zańsyz aınalymyna baılanysty derekter týraly qandaı da bir aqparat bilseńiz, tez arada polısııaǵa “102” telefony boıynsha habarlasyńyz.