Oral qalasynyń Zashaǵan kentinde 9 qabatty turǵyn úı̆ paı̆dalanýǵa berildi. Jańa baspanaǵa ıe bolǵan 198 otbasyna páter kiltin tabystap, qýanyshyn bólisýge oblys ákimi Ǵalı Esqalıev arnaı̆y bardy, dep habarlaıdy Egemen.kz oblys ákiminiń baspasóz qyzmetine silteme jasap.
Aı̆ta ketsek, Zashaǵan kentiniń Oral – Saratov tas joly mańyndaǵy Móńkeuly kóshesinde boı̆ kótergen 9 qabatty, 198 páterli turǵyn úı̆diń qurylysy byltyr bastalǵan. Jalpy kólemi 5673 sharshy metrdi quraı̆tyn kópqabatty úı̆diń qurylys jumystaryn «Bolashaq-T» JShS júrgizgen."Barshańyzdy Qazaqstan Respýblıkasynyń Tuńǵysh Prezıdent kúnimen quttyqtaı̆myn. Osy ataýly mereke qarsańynda sizderge qýanysh syı̆laǵaly otyrmyz. Elbasy Nursultan Ábishuly Nazarbaev halyqtyń tolyqqandy ómir súrýi úshin barlyq jaǵdaı̆dy jasaý kerektigin basty nazarda ustap keledi. Elimizde qabyldanǵan «Nurly jer» baǵdarlamasy aıasynda júzdegen batysqazaqstandyq qoljetimdi baspanaǵa ıe bolýda. Bul – memlekettiń halyqqa degen qamqorlyǵy, qoldaýy. Búgin baspana kiltin ıelengeli otyrǵan 198 otbasynyń 99-y kópbalaly otbasylar. Arendalyq negizdegi úı̆ bolǵandyqtan, eki bólmeli páterge aı̆yna shamamen 10 myń teńge kóleminde tóleı̆di. Páterdi kútip, taza ustaýlaryńyzdy suraı̆myz. Jalpy aı̆tqanda, osyndaı̆ qoljetimdi turǵyn úı̆lerdi salý úshin bıyl memleket tarapynan 17 mlrd. teńgeden astam qarajat bólindi, 17 turǵyn úı̆diń qurylysy bastaldy. 474 páter bolady. Kelesi jyly «Aqjaı̆yq» shaǵynaýdanynyń qurylysy bastalady. Jańa qonystaryńyz qutty bolsyn, shańyraqtaryńyzdan sábıdiń úni men aqsaqaldarymyzdyń batasy ketpesin", - dedi Ǵalı Nájimedenuly.Budan soń saltanatty rásimde shańyraq ıelerine kópten kútken páterleriniń kiltteri tabystalyp, jınalǵandar sý jańa turǵyn úı̆di aralady.