Qazaqstandyqtarǵa patrıottyq sezimderin bildirý úshin elimizdiń memlekettik týyn ǵımarattar men balkondarda ilýge ruqsat etildi. Qaýlyǵa premer-mınıstr Asqar Mamın qol qoıdy, - dep habarlaıdy Egemen.kz
Úkimet 2007 jyldyń 2 qazanynda shyǵarǵan № 873 qaýlysyna ózgerister engizdi.
4-tarmaqtyń "Qazaqstan Respýblıkasynyń memlekettik týyn, memlekettik eltańbasyn jáne olardyń beınelerin, sondaı-aq Qazaqstan Respýblıkasy memlekettik gımniniń mátinin paıdalaný (ornatý, ornalastyrý) qaǵıdalary" týraly birinshi bóligi endi mynadaı: "Memlekettik týdy jeke jáne zańdy tulǵalar ǵımarattarda (turǵyn úılerde jáne turǵyn emes úı-jaılarda), onyń ishinde balkondarda jáne saltanatty is-sharalar ótkiziletin oryndarda patrıottyq sezimin, qazaqstandyq biregeıligin bildirý, eldiń, onyń azamattarynyń jetistikterin qoldaý maqsatynda paıdalana (ornatýy, ornalastyrýy) alady", - delingen qaýlyda.