Bótenniń múlkin urlaý qylmystarynyń ashylymy boıynsha respýblıkada Túrkistan oblysy aldyńǵy shepte. Atap aıtsaq, aýyr dárejeli mal urlyǵy qylmystarynyń ashylymy 76,9%-ǵa jaqsarǵan, dep habarlaıdy Egemen.kz.
Túrkistan oblysy ákimdigi janyndaǵy quqyq buzýshylyq profılaktıkasy jónindegi vedomstvoaralyq komıssııasy májilisinde oblys ákimi О́mirzaq Shókeev mal urlyǵyna tosqaýyl qoıýda aýdan, aýyl ákimderi men polısııanyń birigýin tapsyrdy. «Aýdan degen alaqandaı jerde qalaı mal urlanǵanyn eshkim bilmeıdi? Bári bir-birin biledi. Kim beıim ekenin biledi. Kimniń maly urlanatynyn biledi. Ondaıǵa shara qoldaný, toqtatý kerek. Barlyq aýdan, aýyl ákimderi men polısııa birigip, tez arada qolǵa alyńyzdar. Jalpy mal urlyǵyn boldyrmaý kerek», dedi oblys ákimi.
Oblystyq polısııa Departamenti basshylyǵynyń málimdeýinshe, Qylmystyq Kodekske engizilgen ózgerister bótenniń múlkin urlaý qylmystarynyń eke ese azaıýyna yqpal etken. Komıssııa májilisinde mal urlyǵynyń jasalý tizbegi boıynsha jumysty kúsheıtip, mal bazarlaryndaǵy talapty qataıtý júkteldi. Saraptamaǵa sáıkes, mal urlyǵynyń 61,7%-y jaıylym jerlerden oryn alǵan. Osyǵan oraı óńirde «mal ıesi-jergilikti atqarýshy organ-baqtashy» úshjaqty kelisimshart jasaý júzege asyrylýda. Sonymen qatar, otyrysta oblys aýmaǵynda jalpy qaraýsyz jáne tabylǵan maldardy ustaýǵa arnalǵan oryndardyń jetkiliksizdigi jaıly másele qozǵaldy.