Nur-Sultan qalalyq Qazaqstan halqy Assambleıasynyń qyzmeti etnosaralyq kelisim men toleranttylyqty nyǵaıtýǵa, túrli mádenıet túrlerin ózara dáripteýge, etnostardyń ádet-ǵuryptaryn, dástúrleri men tilderin saqtaýǵa jáne damytýǵa baǵyttalǵan. Assambleıa mádenı-aǵartý jáne shyǵarmashylyq jumystar júrgizedi, quqyqtyq jáne áleýmettik kómek kórsetedi.
Elordalyq Dostyq úıi Nur-Sultan qalasyndaǵy Qazaqstan halqy Assambleıasynyń bet-beınesi ispettes. Munda halyqaralyq jáne respýblıkalyq deńgeıdegi is-sharalar ótkiziledi. 2020 jyly 17 565 adamnyń qatysýymen 127 is-shara ótse, onyń ishinde 75-i onlaın rejımde boldy. Dostyq úıinde 22 etnomádenı birlestik jumys isteıdi. Assambleıa qurylymynda 12 etnolıngvıstıkalyq keshen, 6 qoǵamdyq kelisim keńesi, medıasııa kabıneti, ǵylymı-saraptamalyq top, analar keńesi, shyǵarmashylyq 80 ujym, "Jańǵyrý joly" RJQ qalalyq shtaby, aqsaqaldar keńesi, "Parasat" qaıyrymdylyq qyzmetin úılestirý ortalyǵy, "Analar amanaty" qolóner shyǵarmashylyq ortalyǵy, "Mámile" sıtýasııalyq qazaq tilin úıretetin pikirsaıys klýby, "Jyr ortalyǵy" bar.
11 EMB janynan jastar qanaty qurylyp, "Jańǵyrý joly" respýblıkalyq jastar qozǵalysynyń qalalyq shtaby jumys isteıdi.
"Etnomádenı birlestikterdiń múshesi bolǵysy keletinder Dostyq úıine, B.Momyshuly 24/9 mekenjaıyna júginýge bolady", - dep atap ótti elordalyq QHA ókilderi.
2020 jyly karantın jaǵdaıynda qalalyq Assambleıa onlaın rejımde jumys istedi. Bıyl 119 qaıyrymdylyq is-sharasy ótkizildi. Atap aıtsaq, Túrkistan oblysynyń Maqtaaral aýdanynda zardap shekkenderge kómek kórsetýi, QHA-nyń TJ, karantın rejımi kezinde belsene atsalysýy. "30 ıgi is "aksııasy aıasynda jumys áli de jalǵasatyn bolady.
QHA-nyń 25 jyldyǵy qarsańynda Qazaqstan halqy Assambleıasynyń eren eńbegi úshin, assambleıalyqtarǵa "Qazaqstan halqy Assambleıasyna 25 jyl" mereıtoılyq medaldary tabystaldy.