Qyzylorda oblysy boıynsha 2020 jyldyń 10 aıynda balalar men jasóspirimder arasynda týberkýlez aýrýynan kóz jumý jaǵdaıy tirkelmegen, - dep habarlaıdy Egemen.kz
Jalpy oblys kóleminde jyl basynan beri týberkýlezdiń 310 jańa jaǵdaıy tirkelgen, bul 2019 jylydyń osy kezeńimen salystyrǵanda 18,3%-ke tómendegenin kórsetip otyr. Indetten kóz jumý deńgeıi de 35,3%-ke azaıǵan, onyń ishinde balalar men jasóspirimder arasynda birde-bir jaǵdaı tirkelmegen.Esepti merzimde týberkýlez aýrýyna qarsy 17 245 sábı vaksınasııa jáne 9 131 revaksınasııa arqyly, barlyǵy 26 376 balaǵa egý jumystary júrgizilgen. Egýden keıingi asqyný jaǵdaılary tirkelgen joq.Jyl basynan flıýrografııalyq tekserýmen oblys turǵyndarynyń 96,8%-i qamtylǵan.Sanıtarııalyq mamandar tarapynan týberkýlezge qarsy ekpeniń mańyzdylyǵy jáne týberkýlezdi aldyn alý boıynsha aǵartý jumystary úzdiksiz júrgizilýde.