Polısııa qyzmetkerleri «Qaýipsiz jol» profılaktıkalyq is-sharasy aıasynda keshe, 4 jeltoqsanda qaladaǵy «Bereke» shaǵyn aýdanynda salony «plaskartqa» aınalǵan «Vanffool» markaly avtobýsty ustady, dep habarlaıdy Egemen.kz.
«Atyraý-Shymkent» marshrýtyndaǵy avtobýstyń salonyn tekserý kezinde kólik quraly «plaskartqa» aınalǵany belgili boldy. Salonda jolaýshy kreslosynyń ornyna qaptalǵan eki qabatty 28 kereýet ornatylǵan. Onda uıyqtap jatqan 17 jolaýshy anyqtaldy. Avtobýs júrgizýshileriniń aıtýynsha, «plaskart» kólik Shymkent qalasyna baǵyt alǵan» dep habarlady oblystyq polısııa departamentiniń baspasóz qyzmeti.
Júrgizýshilerdiń birine qatysty QR Ákimshilik quqyqbuzýshylyq týraly Kodeksiniń 590-babynyń 5,7 jáne 8-bólikteri (Kólik quraldaryn paıdalaný qaǵıdalaryn buzý), 571-babynyń 2-bóligi (Jolaýshylardy, bagajdy jáne júkti tasymaldaý qaǵıdalaryn buzý), 572-babynyń 1-bóligi (Júrgizýshiniń eńbek jáne demalys rejımin buzý) boıynsha hattamalar toltyryldy. Avtobýs arnaıy turaqqa qoıyldy.