Volonterler jarqyraǵan jyl

– Aýdandaǵy jastar resýrs­tyq ortalyǵynda volonterler shtaby qurylǵan. Munda aýdan ortalyǵyndaǵy mektepterden jáne jergilikti agrotehnıkalyq kolledjden 54 erikti jas jumys istep jatyr. Sondaı-aq jyl basynda memlekettik mekemeler men qoǵamdyq  uıym ókilderinen 59 adamnan turatyn volonterler toby quryldy. Volonterler shta­by 409 adamdy qamtıtyn 56 is-shara ótkizdi, 617 adamǵa kó­mek kórsetildi. Sonymen qa­tar aýdan­nyń ár mektebinde vo­­lon­ter jasaqtary jumys is­teı­di, onda 100-den astam volonter bar. Oqýshylar ótkizetin is-sha­ralar eńbek ar­da­gerlerine, zeı­netkerlerge jáne jalǵyz basty adamdarǵa kó­mek­tesýge baǵyttalǵan. Ta­qy­­ryptyq konsertter men eko­lo­gııalyq aksııalar ótkiziledi, – deıdi Qarabalyq aýdany Jas­tar resýrstyq ortalyǵynyń je­tekshisi Irına Altynnıkova.

Buqaralyq is-sharalardy ótki­zýge tyıym salýǵa baılanysty naýryz aıynan bastap áleýmettik jelilerde belsendi volonterlik jumys bastaldy. Onyń ishinde jastar belsendi atsalysqan «Úıde bol!», «Bet­perde kııýdi umytpa!», «Qashyq­tyqty saqta!», «Ýaqyt­ty paıdaly ótkiz», «Men Otanǵa qyzmet etýge daıynmyn!» sııaqty beı­nerolıkterdi atap ótýge bo­lady. Munyń syrtynda, dári­gerlerge qoldaý kórsetý maqsatynda «Myń alǵys!» sharasy da uıym­das­tyrylǵan.

Erikti jastar aýdan turǵyn­daryna shekteý sharalaryn saq­taýdyń mańyzdylyǵyn túsindirý jumystaryna da belsendi atsalysyp keledi. О́tken aıda volonterler men MOO qyzmetkerleri polısııa qyzmetkerlerimen birlesip karantın sharalaryn saqtaý týraly túsindirý paraqshalaryn taratty. Volonter jasaqtary aýdandyq aýrýhanamen de tyǵyz baı­lanysta bolyp, tótenshe jaǵ­daı kezeńinde zeınetkerler­ge jáne aýrýhanada esepte tur­ǵan jal­ǵyzbasty adamdarǵa dári-dármek tasymaldaýdy uıymdas­tyrdy.

– Sáýir aıynan bastap zeınetkerlerge, múmkindigi shekteýli jan­darǵa jáne aýdannyń áleý­mettik qyzmetkerlerine betperde tigý jumystary bastaldy. Vo­lon­terler tikken myńnan as­tam maska áleýmettik qorǵaý bó­limine berilgen, olardyń bir bóligin MOO qyzmetkerleri óz betinshe alyp ketip otyrǵan. Eldegi qalyptasqan jaǵdaıǵa baı­lanysty merekelik is-sha­ra­lar áleýmettik jelilerge aýys­tyryldy. 6-8 mamyr araly­ǵynda volonterler 130 tyl eń­­bek­kerin quttyqtap, olarǵa Ekin­­shi dúnıejúzilik soǵystaǵy Jeńistiń 75 jyldyǵyn merekeleýge arnalǵan estelik medaldardy tapsyrdy. Sondaı-aq bul kúnderi áleýmettik je­lilerde kent turǵyndarynyń qa­tysýymen «Jeńis lentasy» jáne «Soǵys ánderi» aksııalary ótkizildi. Memlekettik rámizder kúnin merekeleýge oraı «Men patrıotpyn!» eriktiler men kent turǵyndarynyń qatysýymen Qarabalyq batyr memorıalynda elimizdiń Ánurany oryndaldy, - deıdi ortalyq jetekshisi.

Tamyz aıynda Qarabalyq volon­terleri «Taza jaǵalaý» eko­­­­logııalyq aksııasyn uıymdas­tyrdy. Volonterler men kent turǵyndary ortaq kúsh-jigermen Toǵyzaq ózeni jaǵalaýynyń 15 shaqyrymyn tazalap, 2 tirke­me qoqys shyǵardy. Aýdanda qa­lyptasqan epıdemııalyq jaǵ­daıǵa baılanysty Jastar resýrstyq ortalyǵy memlekettik áleýmettik tapsyrys boıynsha tek 1 jobany «Volonterler mek­tebin» iske asyrǵan. Jo­ba­nyń negizgi mindeti – aýyl­dyq jerlerde jastar bastamala­ryn damytý.  Bir aı ishinde ÚEU mamandary volonterlik jasaqtardy qalyptastyrý jáne áleýmettik jobalardyń negizgi qaǵıdattaryn túsindirý maqsatynda aýyldyq okrýgterdiń jastary úshin onlaın-trenıngter ótkizdi.

«Volonterler mektebi» joba­synyń aıaqtalýy 23 qazanda ótken Áleýmettik eriktiler jo­balarynyń jármeńkesi boldy. Aýyldyq okrýgter men Qa­rabalyq kentinen 10 bastamashyl top óz jobalaryn usyndy. Júlde qory 900 myń teńgeni qurady. Qarabalyq kentiniń «Hokkeı kortyn ishinara jón­deý» jobasyn iske asyrýǵa «Qara­balyq volonterleri» aqpa­rattyq toby 300 000 teńge kóle­minde grant aldy. Toǵyzaq orta mektebiniń volonterleri «Mektep telestýdııasy» jobasyna 200 myń teńge, Pobeda aýylynyń volonterleri bulaq aýmaǵyn abattandyrýǵa 200 myń teńge aldy. 100 myń teń­ge О́rnek Mádenıet úıi úshin proektor satyp alýǵa jáne «Stan­sıonnyı aýylynda týrızm men sportty damytý» jobalaryna berildi.

Aýdanda jeltoqsan aıynda Volonter jylyn qory­tyndylaý sharasyn ótkizý jos­par­lanyp otyr. Aýqymdy sharaǵa arnaıy  «Jyl volonteri – 2020» baı­qaýynyń erejesi ázirlendi. Bel­sendi volonterler men bas­ta­mashyl toptardy marapattaý «Úzdik volonter», «Úzdik volon­terlik uıym», «Úzdik volonterlik jo­ba» atalymdary boıynsha ótedi. Baıqaýdyń erejesi men óti­nim nysany aýyldyq okrýgterge, aýdannyń memlekettik meke­meleri men uıymdaryna jibe­rilgen.

– Bıyl, eń birinshi kezekte, volonterlerge degen qoǵamdyq kózqaras ózgerdi, sondaı-aq ob­ly­symyzda volonterlik qoz­ǵa­lys­tyń qanaty keńı tústi. Qazir aýdanymyzda volonterlik or­talyq qurylmaǵan bilim oshaǵy kemde-kem. Bul jastardyń áleý­mettik jaýapkershiliginiń art­qanyn kórsetedi, – deıdi qara­balyqtyq jastar.

Qostanaı oblysy,

Qarabalyq aýdany