Geolog aýyldyq okrýginiń «Birlik» shaǵyn aýdanynda turatyn Álııa Isımova buryn bazarda saýda jasaǵan eken. Keıin aýyryp, arbaǵa tańylypty. Biraq ómir súrýge qulshynysyn joǵaltqan joq.
Sońǵy bes jyldan beri balalar kıimin tigetin sheberhana ashyp, jumysyn tabysty júrgizdi. Ol osy jyldar ishinde Aýyl sharýashylyǵyn qarjylaı qoldaý qorynan jobasyn qarjylandyrý úshin tórt ret qarjy aldy. Tigin mashınkasynan isin bastaǵan múmkindigi shekteýli jan qazir toǵyz adamdy jumyspen qamtyp otyr.
– Bıyl biz sheberhanamyzdy keńeıtýdi kózdedik. Sol maqsatqa 6 mln teńge nesıe aldyq. Maýsym aıynda qosymsha qurylys salýdy aıaqtadyq. Karantınge baılanysty jańa jabdyqty satyp ala almaı otyrmyz. Alaıda bul másele jaqyn arada sheshimin tabaryna senemin, – deıdi taǵdyrdyń qıyndyǵyna moıymaǵan Álııa Isımova.
Onyń aıtýynsha, karantın kezinde onyń sheberhanasyna tapsyrys berýshiler qatary azaımady. О́ıtkeni Álııa Isımova ashqan sheberhananyń tiginshileri balalar kıimin sapaly tigedi. Al tapsyrys bergen tutynýshylar tarapynan shaǵym bolǵan emes.
– Memleket tarapynan kásipkerlerge kórsetiletin qoldaýdy men de sezindim. Eń bastysy, árkimniń óz jobasyn iske asyrýǵa yqylasy bolýy kerek. Men usynǵan bıznes-jobaǵa «Eńbek» baǵdarlamasymen óte tıimdi sharttarmen nesıe aldym. Nesıeni óteý merzimi – 4 jyl. Al jyldyq mólsherlemesi 6 paıyz bolǵany biz sekildi kásipkerlerge úlken qoldaý bolady dep oılaımyn. Nesıe tólemin merziminde tóleımin. Sol sebepten bolar, Aýyl sharýashylyǵyn qarjylaı qoldaý qorynyń qyzmetkerleri maǵan qajetti qaǵazdarymdy tez resimdep berdi, – dedi Á.Isımova.
Atyraý oblysy