Ekstremıster elektrondyq úkimet saıttaryna jappaı Ddos-shabýyl jasady, birqatar ınternet-resýrstardy buzýǵa, vırýsty BQ-ǵa toltyrýǵa tyrysty. Mundaı ssenarıı boıynsha Nur-Sultanda kıberqylmystar jalǵasýda, olar memlekettik organdardyń, aqparattyq qaýipsizdikti qamtamasyz etý bólimsheleriniń jáne jedel ortalyqtardyń, asa mańyzdy obektilerdiń týyndaǵan qaýip-qaterlerge qarsy turýǵa ázirligin kórsetýi tıis. Ortalyq kommýnıkasııalar qyzmetinde ótken brıfıngte QR SDIAО́M aqparattyq qaýipsizdik komıtetiniń tóraǵasy Rýslan Ábdiqalyqov is-sharanyń egjeı-tegjeıin aıtyp berdi.
"Shartty buzýshy dinı ekstremıstik pıǵyldan elektrondyq úkimettiń aqparattandyrý obektilerine, aqparattyq-kommýnıkasııalyq ınfraqurylymnyń asa mańyzdy obektilerine jappaı QOÁB-shabýyldar jasaıdy, memlekettik ınternet-resýrstardy buzýǵa, áleýmettik jelilerde durys emes aqparat taratýǵa, fıshıng jáne zııandy baǵdarlamalyq qamtamasyz etýdi taratýǵa áreket jasaıdy. Sońǵy is - shara kıber jattyǵýlar jospary boıynsha sál erterek bastaldy jáne kóptegen memlekettik qyzmetshiler óz jumys oryndarynda testilik zııandy BQ fıshıngtik taratylymyna tap boldy",- dep túsindirdi spıker.
Aıta keteıik, sıfrlyq damý mınıstrligi uıymdastyrǵan oqý-jattyǵýlarǵa UQK, "memlekettik tehnıkalyq qyzmet" AQ, "kıbershabýyldardy taldaý jáne tergeý ortalyǵy" ókilderi qatysýda.
"Oqý josparyna súıene otyryp, árkimniń óz róli bar. "Qazaqstannyń Kıberqalqany" júıesinde kózdelgen qorǵaý tehnıkalyq tetikterin UQK qyzmetkerleri men "MTQ" AQ Aqparattyq qaýipsizdikti ulttyq úılestirý ortalyǵy iske qosatyn bolady, shartty buzýshy rólin KShTTO kásibı komandasy, múddeli memlekettik organdarmen salaaralyq ózara is - qımyl jáne sıfrlyq damý mınıstrligine kıbershabýyldardy jalpy úılestirý atqaratyn bolady»,- dep atap ótti Ábdihalyqov.