Elordada jumys isteıtin jastarǵa satyp alý quqyǵynsyz jalǵa beriletin turǵyn úı alýǵa qujat qabyldaý aıaqtaldy. 1-6 jeltoqsan aralyǵynda Nur-Sultan turǵyn úı qoryna 5463 ótinish kelip tústi.
Búginnen bastap 12 jeltoqsanǵa deıin talapkerler qujattar toptamasyna qajet bolǵan jaǵdaıda túzetýler engize alady. О́tinish berýshiler bul týraly katysu.zhilfond.kz portalyna tirkelý kezinde kórsetilgen telefon nómirine SMS habarlama alýy kerek. Elordanyń turǵyn úı qory atap ótkendeı, ótinishti moderator óńdeıtin bolǵandyqtan, úmitkerlerge onyń mártebesi týraly SMS habarlama jiberiledi.
Sonymen, «Qatysýǵa quqyly» degenimiz ótinish berýshiniń qujattardyń tolyq tizimin tirkegenin jáne baǵdarlama sharttaryna sáıkes keletindigin bildiredi. Bul jaǵdaıda tańdaý nátıjelerin kútý kerek.
Eger habarlamada «Túzetý qajet» dep jazylǵan bolsa, onda ótinish berýshi qujattardyń tolyq emes tizimin tirkedi jáne oǵan qujattardy tolyqtyrý qajet. Jeke kabınette qandaı qujattardyń joqtyǵyn bilýge bolady.
«Jeke kabınetińiz tek 2020 jyldyń 7 men 12 jeltoqsan aralyǵynda qoljetimdi. Oǵan shekteýsiz ret engizý múmkin bolady, biraq siz faıldardy qosyp, ESQ kiltimen bir ret qana qol qoıa alasyz! Birinshiden, sizge túzetý qajettiligi týraly SMS-habarlama kelip túsýi kerek jáne ony túzetkennen keıin ǵana, áıtpese siz moderatordyń túsiniktemelerin kóre almaısyz», - dep túsindirdi Turǵyn úı qory.
Eger «Teriske shyǵaryldy» degen SMS kelip tússe, ótinish berýshi baǵdarlamanyń sharttaryna sáıkes kelmeıdi. Mysaly, onyń sońǵy eki jylda turaqty turýǵa ruqsaty joq, menshik quqyǵyndaǵy múlki bar, tabysy jetkiliksiz jáne t.b. Bas tartýdyń sebebi elektrondy poshta arqyly jiberiledi.
Eske salaıyq, baǵdarlamanyń talaptaryna sáıkes, sońǵy eki jylda menshik quqyǵynda turǵyn úıi joq 29 jasqa deıingi Qazaqstan azamattary jalǵa beriletin turǵyn úı alýǵa ótinish bere alady. Sonymen qatar erli-zaıyptylar men balalardyń múlki bolmaýy kerek. Turaqty turýǵa ruqsat sońǵy eki jyldaǵy úzilissiz qajet. Sondaı-aq ótinish berýshilerdiń resmı kirisi 40 AEK nemese sońǵy alty aıda 111 120 teńgeni quraýy kerek.
Baǵdarlama boıynsha barlyǵy 350 bir bólmeli jaldamaly páter berý josparlanyp otyr. Olar ornalasqan úıler R.Qoshqarbaev dańǵyly men Qordaı dańǵylynyń qıylysynda, sondaı-aq Abylaı han men B.Momyshuly dańǵylynda ornalasqan. Turǵyn úıdiń aýdany 31-den 47 sharshy metrge deıin. Aı saıynǵy jaldaý aqysy 5000-nan 15000 teńgege deıin bolady. Jalǵa alý merzimi - bes jyl.
Satyp alý quqyǵynsyz jalǵa beriletin turǵyn úıdi alýshylardyń tizimi zhilfond.kz saıtynda jarııalanady.
Baǵdarlamaǵa qatysty barlyq suraqtar boıynsha 109 baılanys ortalyǵyna habarlasýǵa bolady.