Nur-Sultanda 13 jeltoqsanǵa deıin ótetin bir aptalyq «Saryarqa Jugiru» onlaın-jarysy bastaldy. Búgingi tańda oǵan qatysýǵa 120 adam tirkeldi. Alaıda, ótinimder jarys kezinde de qabyldanady. Jarysqa www.jgr.kz saıtynda 13 jeltoqsanǵa deıin onlaın tirkelýge bolady. Jarys jynysy men jasyna qaramastan, sportqa qarsy kórsetilimderi joq jandardyń barlyǵyna qoljetimdi.
«Saryarqa Jugiru» qashyqtyǵy - 5 shaqyrym. Is-sharaǵa qatysýshylar ony 7-13 jeltoqsan aralyǵynda óte alady. Qatysýshylar 5 km marshrýtty apta ishinde birneshe ret kez-kelgen yńǵaıly ýaqytta júgire alady. Jeńimpazdy anyqtaý úshin sportshynyń eń jaqsy upaıy qoldanylady. Eń bastysy - tirkelý jáne qatysýdyń barlyq sharttaryn oryndaý.
Ol úshin Strava qosymshasynda júgirý kórsetkishin tireý kerek. Ári qaraı, nátıjeler tekserý prosedýrasynan soń www.jgr.kz saıtynda jarııalanady.
«Sonymen qatar qatysýdyń mańyzdy sharttarynyń biri - Instagram paraqshańyzda jarys týraly habarlama jarııalaý jáne #saryarkamarathonchallenge is-shara heshtegin, Nur-Sultan jeńil atletıka federasııasynyń @nsathleticskz, «Jugiru» platformasynyń @jgr.kz jáne Saryarqa aýdany ákimdiginiń @saryarka.akimat profılderin, belgileý», - deıdi uıymdastyrýshylar.
Jeńimpazdar 16 jeltoqsanda marapattalady.
Kóktal-1 turǵyn alabynyń jańa saıabaǵynda qashyqtyqqa júgirgen qatysýshylarǵa arnalǵan syılyqtar:
1 oryn - iPhone 12
2 oryn - 300 $
3 oryn - 200 $
Qalanyń basqa bólikterinde júgirgen jáne Qazaqstan Respýblıkasynyń basqa qalalary men oblystarynda, sondaı-aq respýblıkadan tys jerlerde turatyn qatysýshylarǵa arnalǵan syılyqtar:
1 oryn - 150 $
2 oryn - 100 $
3 oryn - 75 $
Barlyq jeńimpazdar men júldegerler mereıtoılyq medaldarmen jáne sertıfıkattarmen marapattalady. Barlyq egjeı-tegjeıli aqparatty jgr.kz resmı saıtynan alýǵa bolady.
Eske sala keteıik, elorda ákimdiginiń qoldaýymen ótip jatqan sporttyq shara uıymdastyrýshylary - Qazaqstan Respýblıkasynyń Jeńil atletıka federasııasy, Nur-Sultan jeńil atletıka federasııasy.