8 jeltoqsanda Qazaqstan aýmaǵyna Vengrııa, Túrkııa, BAÁ, RF, Belarýs Respýblıkasy jáne О́zbekstannan 11 halyqaralyq áýe reısi keldi, - dep habarlaıdy Egemen.kz
964 jolaýshynyń ishinde PTR-testileýdiń teris nátıjesi bar anyqtamamen 884 adam, anyqtamasyz 80 adam – QR azamattary keldi.
Onyń ishinde: Nur-Sultan qalasynyń áýejaıyna – 5 reıs, 340 jolaýshy, anyqtamamen – 320, anyqtamasyz – 20;
Almaty qalasynyń áýejaıyna – 4 reıs, 480 jolaýshy, anyqtamamen – 426, anyqtamasyz – 54;
Aqtaý qalasynyń áýejaıyna – 1 reıs, 138 jolaýshy, anyqtamamen – 132, anyqtamasyz – 6;
Atyraý qalasynyń áýejaıyna – 1 reıs, barlyq 6 jolaýshy anyqtamamen keldi.
Anyqtamasyz kelgen Qazaqstan azamattary kelgen jeri boıynsha karantındik stasıonarlarǵa ornalastyryldy jáne PTR-taldaý ádisimen COVID-19-ǵa testilendi. PTR-taldaý nátıjeleri boıynsha Mınskiden ushyp kelgen jolaýshydan koronavırýs ınfeksııasy anyqtaldy.