Joǵary oqý oryndarynda oqytý qashyqtan jáne aralas formatta júrgizilip jatyr. Kúzgi semestrdiń qorytyndysy boıynsha emtıhandar akademııalyq kúntizbege sáıkes 2020 jyldyń jeltoqsanynda bastalyp, 2021 jyldyń qańtaryna deıin jalǵasady.
Qysqy sessııa barysynda 150 myńnan astam emtıhan ótkizý josparlanyp otyr. Qashyqtan oqytýǵa kóshýge baılanysty emtıhandar, negizinen, qashyqtan ótkiziledi. «Pedagogıkalyq ǵylymdar», «Aqparattyq-kommýnıkasııalyq tehnologııalar», «Gýmanıtarlyq jáne áleýmettik ǵylymdar», «Jýrnalıstıka», «Bıznes, basqarý jáne quqyq» jáne t.b. baǵyttar boıynsha emtıhandar testileý, esse jazý jáne jobalar qorǵaý formatynda ótedi. Injenerlik, óńdeýshi salalar, aýyl sharýashylyǵy, densaýlyq saqtaý jáne t.b. oqý baǵdarlamalary boıynsha emtıhandar kúndizgi formatta uıymdastyrylatyn bolady.