Halyqaralyq sybaılas jemqorlyqqa qarsy kúres kúni qarsańynda 2020 jylǵy 8 jeltoqsanda alǵash ret onlaın-formatta Nursultan Nazarbaev Qorynyń, EQYU jáne basqa da birqatar seriktesterdiń qoldaýymen Sybaılas jemqorlyqqa qarsy is-qımyl agenttiginiń uıymdastyrýymen «Parasattylyqqa aparatyn sara jol: aıqyndylyqty, eseptilikti jáne qoǵamdyq qatysýdy arttyrý» atty VI dástúrli konferensııa ótti.
Konferensııany ashqan Alık Shpekbaev Qazaqstannyń jemqorlyqqa qarsy saıasaty ozyq halyqaralyq standarttar negizinde jetildirýdi jalǵastyryp kele jatqanyn atap ótti. «Biz saıası jańǵyrýǵa basymdyq berý arqyly keshendi tásildiń mańyzdylyǵyn túsine otyryp, jemqorlyqqa qarsy reformalar júrgizýdemiz», - dedi Antıkor tóraǵasy.Sondaı-aq, Mońǵolııa men О́zbekstannyń sybaılas jemqorlyqqa qarsy vedomstvolarynyń birinshi basshylary D. Zandraa men A.Býrhanov, QHR Memlekettik qadaǵalaý komıssııasy basshysynyń orynbasary Lıý Sı óz sózderinde ásirese, búkil álemde memlekettik ınstıtýttarǵa senim tómendegen pandemııa kezinde jemqorlyqqa qarsy pármendi kúrestiń strategııalyq mańyzdylyǵyn atap ótti.BUU EQB baǵdarlamalyq keńsesiniń basshysy N. Rıaz jáne BUUDB turaqty ókili Iа. Berısh Qazaqstannyń BUU Sybaılas jemqorlyqqa qarsy konvensııasynyń negizgi erejelerin engizý boıynsha orasan zor qadamdar jasap jatqanyn atap ótti.Qatysýshylar jemqorlyqqa qarsy bastamalardyń tıimdiligin baǵalaý tásilderin, ashyqtyq pen qoǵamdyq baqylaýdy qamtamasyz etý tetikterin, sybaılas jemqorlyq qylmystar úshin jaýapkershilikke tartý tájirıbesin, sondaı-aq jemqorlyqqa qarsy is-qımyldyń sıfrlyq quraldaryn talqylady. Is-shara qorytyndysy boıynsha sheteldik seriktestermen jáne ÚEU-men odan ári yntymaqtastyq týraly ýaǵdalastyqtarǵa qol jetkizilip, eldiń sybaılas jemqorlyqqa qarsy saıasatyn odan ári damytýdyń yqtımal baǵyttary aıqyndaldy.